Canon EOS 77D កាមេរ៉ាជំនាន់ថ្មីស៊េរី 2017 របស់កាណុង កាមេរ៉ាជំនាន់ថ្មីនេះ ស្ថិតក្នុងស្រឡាយកាមេរ៉ា EOS DSLR ដែលជាកាមេរ៉ាថតរូប និងវីដេអូកម្រិតអាជីពដ៏ពេញនិយមបំផុតសម្រាប់ជាងថតរូបអាជីពទាំងឡាយ។ តួរខ្លួនរបស់ EOS 77D ជំនាន់ថ្មីនេះ ហាក់មិនសូវជាខុសគ្នាឆ្ងាយ ទៅសាច់ញាតិមុនៗរបស់វាឡើយដោយសារតួរខ្លួនរបស់វាត្រូវបានរចនាឡើងពីជ័រស្វិតរលោងលាយជាមួយស្បែកគ្រើមគុណភាពខ្ពស់ដដែល ដើម្បី ផ្តល់នូវភាពងាយស្រួលក្នុងការកាន់ថត។
អ្វីដែលជាចំនុចខ្លាំងសម្រាប់ EOS77D ជំនាន់ថ្មីនេះគឺត្រូវបានក្រុមហ៊ុនកាណុនធ្វើការពង្រឹងលើផ្នែករឹង (Hardware) របស់វាតែម្តងដែលធ្វើឲ្យម៉ូដែលនេះកាន់តែមានភាពលេចធ្លោរជាមួយសមត្ថភាពថតរូបបានកាន់តែលឿនរហ័ស ហើយគុណភាពរូបមានកម្រិតភាពច្បាស់ខ្ពស់បំផុតមិនគួរឲ្យជឿ។ Canon EOS77D បំពាក់នូវប្រព័ន្ធដំណើរការ DIGIC 7 Processor ដែលមានសមត្ថភាពទ្រទ្រង់បានជាមួយទំហំភិចសែលកាមេរ៉ា 24.2MP ប្រើប្រាស់កែវលែន ពង្រីកពង្រួមប្រភេទ EF-S18-55mm f/4-5.6 IS STM ខ្នាត 29-88 មមចែកចេញជាពីរប្រភេទគឺ semi-wide-angle និង mid-telephoto-angle ជាមួយកម្រិតពន្លឺ ISO ស្វ័យប្រវត្តិរហូតដល់ទៅ 100-25,600 និងអាចបង្កើនគុណភាពពន្លឺដល់ទៅ 51,200 ដែលធ្វើឲ្យការផ្តិតរូបនៅ ទីតាំងដែលមាន ខ្សោយពន្លឺបានច្បាស់មិនចាញ់ទីតាំងដែលមានពន្លឺគ្រប់គ្រាន់ឡើយ។
កាមេរ៉ារបស់ EOS77D ប្រើប្រាស់ប្រព័ន្ធចាប់រូបភាព Dual Pixel CMOS AF System (DAF) និង APS-C CMOS Sensor ដែលធ្វើឲ្យកាមេរ៉ាជំនាន់ថ្មីនេះមានសមត្ថភាពចាប់រូបភាពបានលឿនរហ័សបំផុតជាងស៊េរីមុនៗដោយល្បឿនចាប់សញ្ញារូបភាព “Focus” ប្រើពេលតែ 0.03 វិនាទីប៉ុណ្ណោះ និងល្បឿនចាប់រូបភាពបានរហូតដល់ 6 Frames ក្នុងមួយវិនាទី ហើយការថតវីដេអូកម្រិត Full-HD មានល្បឿន 60 Frames ក្នុងមួយវិនាទី។
លក្ខណះពិសេសមួយចំនួនទៀតដែលមាននៅលើកាមេរ៉ាជំនាន់ថ្មីនេះរួមមានដូចជាការតភ្ជាប់ដោយប្រើប្រព័ន្ធប្លូធូស, Wi-Fi, NFC ដើម្បីធ្វើការចែករំលែក និងផ្ទេរឯកសារបានកាន់តែងាយស្រួលទៅកាន់ឧបរកណ៍ដទៃទៀតដោយមិនចាំបាច់ប្រើខ្សែ ហើយជាពិសេសយើងក៏អាចមើលរាល់សកម្មភាពទាំងឡាយកំឡុងពេលកំពុងថត-ក្រោយពេលថត និងកំនត់មុខងារប្លង់ថតបានកាន់តែងាយស្រួលជាមួយកញ្ចក់អេក្រង់ប្រភេទ LCD Touch panel ទំហំ 3.0 អ៊ីងដែលអាចបត់ផ្អោបជាប់នឹងតួរខ្លួនរបស់វាបានថែមទៀតផង៕
អាចរកជាវបាននៅ៖ ហាង i-Qlick
លេខទូរស័ព្ទ៖ 023 99 66 38
