ឧបករណ៍ទប់ភ្លើង ឬហៅថា UPS គឺជាឧបករណ៍ម្យ៉ាងដែលគេប្រើសម្រាប់បង្ការឧបករណ៍អេឡិចត្រូនិចនៅពេលចរន្តភ្លើងឆៅ (Main Power) ដាច់ជាប់ៗ។ ហើយនេះគឺជា UPS ស៊េរីថ្មីមួយរបស់ Vertiv ម៉ូដែល Liebert® itON-SOHO 600VA។ UPS ស៊េរីថ្មីនេះត្រូវផលិតឡើងដោយមានភ្ជាប់នៅមុខងារប្រើប្រាស់ផ្សេងៗជាមួយកំលាំងចរន្តផ្ទុក 600VA និងមានទំងន់ 4.4 គីឡូក្រាម។ លក្ខណះសំគាល់នៃឧបករណ៍មួយនេះគឺនៅជ្រុងខាងមុខមានអំពូលភ្លើង LED ចំនួនបីពណ៌សម្រាប់សំគាល់មុខងារខុសៗគ្នា និងប៊ូតុងចុចបិទបើក។
រីឯជ្រុងខាងក្រោយមានរន្ធដោតបញ្ចូលភ្លើង (INPUT) ដែលទ្រទ្រង់ចរន្តបានចាប់ពី 162-290VAC, 1ph, រន្ធ USB សម្រាប់បញ្ចូលទូរស័ព្ទ, កុងតាក់កាច់បិទបើកភ្លើងជាមួយអំពូលពណ៌ខៀវសម្រាប់ចំនាំ។ ផ្នែកខាងលើមានរន្ធដោតឌុយភ្លើងចេញចំនួនបី (Output) ដែលអាចបញ្ចេញចរន្តភ្លើងបានចន្លោះពី 220/230/240VAC, 1ph, រន្ធដោតខ្សែទូរស័ព្ទពពួក Analog/Digital Phone, រន្ធ Universal Sockets សម្រាប់ភ្ជាប់ទៅកាន់ឧបករណ៍ផ្សេងៗ។
សម្រាប់សមត្ថភាពប្រើការវិញគឺពិតជាល្អមានទំនុកចិត្ត និងសុវត្ថិភាពខ្ពស់ព្រោះថាវាមានលទ្ធភាពផ្តល់ចរន្តទៅកាន់ឧបរណ៍អគ្គីសនីដែលភ្ជាប់ជាមួយវានៅពេលភ្លើងដាច់, បើក និងសាកបញ្ចូលភ្លើងដោយស្វ័យប្រវត្តិនៅពេលចរន្តភ្លើងភ្ជាប់មកវិញ, សាកថ្មឆាប់ពេញជាមួយមុខងារបិទចរន្តនៅកំឡុងពេលសាក, បន្លឺសំឡេងនៅពេលចរន្តកាត់ផ្តាច់ ឬក៏អាគុយមានបញ្ហា ព្រមទាំងមានមុខងារពិសេស “AVR” ផ្តល់នូវការការពារកម្រិតខ្ពស់នៅពេលចរន្តភ្លើងបុកខ្លាំង ឬក៏ខ្សោយខ្លាំងដោយមិនធ្វើឲ្យប៉ះពាល់អាគុយ និងកាត់បន្ថយការប្រើថាមពលអាគុយរបស់វាឡើយ៕
អាចរកជាវបាននៅ៖ ក្រុមហ៊ុន Anana Computer លេខទូរស័ព្ទ៖ 023 211 543