ក្រុមហ៊ុន LG Electronics នឹងត្រូវដាក់បង្ហាញនូវម៉ូដែលថេបប្លេតថ្មីចុងក្រោយរបស់ខ្លួនក្នុងត្រកូល G Pad នៅព្រឹត្តិការណ៍ IFA 2015។ ថេបប្លេតថ្មី G Pad II 10.1 នឹងចេញលក់ជាផ្លូវការដែលរួមមកជាមួយលក្ខណះពិសេសពីរគឺ LTE និង Wi-Fi ដែលនឹងមានវត្តមានក្នុងទីផ្សារនៅ អាមេរិកខាងជើង អឺរ៉ុប និងអាស៊ី។
LG G Pad ផ្តល់អោយអតិថិជននូវការពេញចិត្តដោយសារតំលែសាកសមទៅនឹងសមត្ថភាពដែលធ្វើអោយថេបប្លេតមួយនេះមានភាពទាក់ទាញបំផុត។ ថេបប្លេតថ្មី G Pad II 10.1 ផ្តល់ជូននូវលក្ខណៈពិសេសច្រើនជាងឧបករណ៍ផ្សេងទៀតនៅក្នុងផ្នែកដូចគ្នាជាមួយនឹងអេក្រង់ប្រភេទ WUXGA ទំហំ 1920x1200 ភ្លឺច្បាស់ល្អ សាកសមសំរាប់ការកំសាន្ត ឬក៏មើលវិបសាយជាដើម។ ម៉ូដែលថ្មីនេះបំពាក់មកជាមួយនូវអង្គប្រតិបតិ្តការណ៍ប្រភេទ Quad-Core Snapdragon 800 ល្បឿន 2.26GHz រួមជាមួយនឹងថ្ម 400mAh អាចឱ្យលោកអ្នកកម្សាន្តសប្បាយជាច្រើនម៉ោងទៀតផង។
រីឯលក្ខណៈពិសេសមួយទៀទៀតសំរាប់លោកអ្នកចូលចិត្តអានសៀវភៅអេឡិចត្រូនិច ថេបប្លេតស៊េរីថ្មីនេះអនុញ្ញាតអោយលោកផ្លាស់ប្តូទៅ Reader Mode ដើម្បីជួយកាត់បន្ថយពន្លឺពណ៌ខៀវដែលការសិក្សាបានបង្ហាញថាវាបណ្តាលអោយភ្នែកអស់កំលាំងនិងស្រវាំងភ្នែក។ LG G Pad II 10.1 ភា្ជប់មកជាមួយនឹង Microsoft Office សំរាប់ Android និងផ្ទុក 100Gb នៅលើ OneDrive ដោយឥតគិតថ្លៃសំរាប់រយះពេលពីរឆ្នាំ។
លក្ខណៈពិសេស
Processor: 2.26GHz Quad-Core Qualcomm® Snapdragon™ 800 Processor
Display: 10.1-inch WUXGA (1920 x 1200 / 224 ppi)
Operating System: Android 5.1.1 Lollipop
Memory: 16GB eMMC / 2GB RAM / microSD
Camera: Rear 5MP / Front 2MP
Battery: 7,400mAh Size: 254.3 x 161.1 x 7.8mm
Weight: 489g
Network: DL 42 Mbps / UL 5.76Mbps (3G)
Connectivity: LTE Cat. 4 CA / Wi-Fi 802.11 a, b, g, n, ac / A-GPS / USB 2.0
Color: Brilliant Bronze
Other: Reader Mode / Dual Window / QuickMemo+
