យោងទៅតាមការបញ្ជាក់របស់លោក Timothy Arcuri ដែលជាអ្នកវិភាគរបស់ក្រុមហ៊ុន Cowen & Company បាននិយាយថា ការផ្លាស់ប្តូររបស់ក្រុមហ៊ុន Apple ទៅប្រើប្រាស់នូវបន្ទះអេក្រង់ OLED សម្រាប់ស្មាតហ្វូនស៊េរីថ្មី iPhone 8 អាចប៉ះពាល់ទៅដល់ប្រាក់ចំណេញរបស់ខ្លួនព្រោះការចំណាយមានទឹកប្រាក់រហូតដល់ទៅ 50 លានដុល្លារអាមេរិច។ ប្រាក់ចំណេញបើធៀបជាមួយនឹងឆ្នាំមុនប្រហែលមានត្រឹមតែមានត្រឹមតែ 39% តែប៉ុណ្ណោះ នៅក្នុងត្រីមាសនេះ ដោយសារតែការចំណាយច្រើនទៅលើអេក្រង់ OLED ។ មួយវិញទៀត តម្លៃរបស់សមាសភាគជាច្រើនក៏មានការកើនឡើងខ្លាំងដែលជាហេតុធ្វើឱ្យតម្លៃរបស់ទូរស័ព្ទ iPhone ថ្លៃផងដែរ។
ពាក្យចចាមអារ៉ាមលើកមុននេះបានបញ្ជាក់ថា ទូរស័ព្ទ iPhone 8 ប្រហែលជាមានអេក្រង់ទំហំ 5.8 អ៊ីងភ្ជាប់ជាមួយនឹងកញ្ចក់ OLED ដែលអាចបត់បែនបាន (Flexible Screen) និងមានការរចនាម៉ូដកាន់តែប្លែកបើធៀបជាមួយនឹងទូរស័ព្ទជំនាន់មុន។ iPhone 8 ប្រហែលជាមានគែមកោងនៅផ្នែកសងខាង ហើយផ្ទៃខាងមុខធ្វើពីកញ្ចក់ទាំងអស់ដែលបំពាក់នូវ Sensors និងប្រព័ន្ធស្កែនក្រយ៉ៅដៃនៅផ្នែកខាងក្រោម។ វានៅតែជាឱកាសសម្រាប់ក្រុមហ៊ុន Apple ក្នុងការប្រើប្រាស់នូវបន្ទះអេក្រង់ OLED សម្រាប់ទូរស័ព្ទម៉ូដែលថ្មីទាំង 3 របស់ខ្លួន។ដែលរួមមាន iPhone 7s និង 7s Plus ។ ការបញ្ចេញនូវទូរស័ព្ទថ្មីដល់ទៅ 3 ស៊េរីដែលប្រើប្រាស់នូវអេក្រង់ OLED ពិតជាទទួលបានការចាប់អារម្មណ៍ខ្លាំងនៅក្នុងការសម្ភោធន៍ជាផ្លូវការសម្រាប់ iPhones 2017 ហើយការបញ្ជាទិញរបស់ក្រុមហ៊ុន Apple ក៏មានបរិមាណគ្រប់គ្រាន់ហើយដែរ។
នៅក្នុងត្រីមាសនេះឆ្នាំមុន អ្នកវិភាគបានរំពឹងថា ការនាំចេញទូរស័ព្ទ iPhones នឹងមានចំនួនរហូតដល់ទៅ 76 លានគ្រឿងដែលមានកំណើនខ្ពស់បង្កើនប្រាក់ចំណេញសម្រាប់ក្រុមហ៊ុន Apple ហើយមួយចំនែកធំគឺដោយសារតែការកម្មង់ទិញនូវទូរស័ព្ទ iPhone 7 Plus ដ៏ច្រើនលើលលប់។ យើងនឹងអាចមើលឃើញនៅថ្ងៃនេះថាការវិភាគរបស់គាត់ត្រឹមត្រូវឬទេ ដោយសារតែក្រុមហ៊ុន Apple នឹងប្រកាសនូវលទ្ធផលហិរញ្ញវត្ថុសម្រាប់ត្រីមាសវេលាម៉ោង 2pm PT/5pm ET ៕
