ដូចដែលបានសន្យារួចមកហើយថានៅថ្ងៃទី 14 កុម្ភៈនេះ ក្រុមហ៊ុន Huawei នឹងធ្វើការប្រកាសផ្តល់រង្វាន់ធំ Huawei P9 ពណ៌ផ្កាឈូកមួយគ្រឿង Huawei Y6II ពណ៌ផ្កាឈូកមួយគ្រឿង និងរង្វាន់ជាច្រើនទៀតដល់បេក្ខជន ដែលបានឈ្នះពីកម្មវិធី ប្រកួតថតរូបពិសេស សម្រាប់ទិវានៃក្តីស្រឡាញ់។ ការប្រកាសលទ្ធផលជាផ្លូវការនេះធ្វើឡើងដើម្បីផ្តល់រង្វាន់ដល់ជ័យលាភីប្រាំពីររូបចុងក្រោយដែលបានឈ្នះពីកម្មវិធីថតរូបដែលបានចាប់ផ្តើមដំណើរការចាប់ពីថ្ងៃទី 1 ដល់ទី 10 កុម្ភៈ 2017 កន្លងទៅ។ ការប្រកួតថតរូបដ៏ពិសេសនេះត្រូវបានធ្វើឡើង ដើម្បីផ្តល់ឱកាស ដល់អ្នកចូលរួមទាំងអស់អាចបង្ហាញអារម្មណ៍របស់គេទៅកាន់មនុស្សជាទីស្រឡាញ់តាមរយៈរូបថត។ កម្មវិធីនេះ តម្រូវអោយអ្នកចូលរួមទាំងអស់ថតរូបដែលបង្ហាញក្តីស្រឡាញ់ជាមួយ ក្រុមគ្រួសារ លោកគ្រូអ្នកគ្រូ មិត្តភក្តិ និងមនុស្សជាទីស្រឡាញ់។ បន្ទាប់មកពួកគេត្រូវបង្ហោះនៅលើគណនីហ្វេសបុកផ្ទាល់ខ្លួន ដោយសរសេរជាមួយពាក្យ #HuaweiGR5 2017 DualCamera។ រួចព្រីនស្គ្រីន (Print Screen) រូបដែលបានបង្ហោះនោះមកកាន់ហ្វេសបុកផេកផ្លូវការ របស់ក្រុមហ៊ុន Huawei Mobile តាមរយៈ ហ្វេសបុក Messenger។
លោក ថង សារី ប្រធានផ្នែកចែកចាយស្មាតហ្វូន Huawei ប្រចាំប្រទេសកម្ពុជា បានអោយដឹងថា៖ “នេះជាកម្មវិធីមួយពិសេសក្នុងចំណោម កម្មវិធីពិសេសៗជាច្រើនទៀតដែល Huawei បានបង្កើតឡើងដើម្បីផ្តល់ភាពរីករាយ និងការកម្សាន្តនានាទៅតាមរដូវកាល ជាមួយរង្វាន់ជាច្រើនសន្ធឹក សន្ធាប់។ លោក សារី បន្ថែមថា៖ “Huawei សូមចូលរួមអបអរសាទរចំពោះម្ចាស់ជ័យលាភីទាំងអស់ ហើយក៏សូមជូនពរដល់អតិថិជនរបស់Huawei ទាំងអស់ឲ្យជួបប្រទះតែនឹងសេចក្តីសុខ សេចក្តីចំរើន នឹងទទួលបានសេចក្តីស្រឡាញ់ពេញលេញរហូត សម្រាប់ទិវា នៃ ក្តីស្រឡាញ់មួយនេះផងដែរ។ បេក្ខជន Heang Zin (ឈ្មោះហេ្វសប៊ុក) ម្ចាស់ជ័យលាភី លេខ 1ដែលរូបថតទទួលបាន រូបបេះដូង (Emoji)ច្រើនបាននិយាយថា៖ “ខ្ញុំពិតជាចាប់អារម្មណ៍មែនទែន ចំពោះកម្មវិធីនេះ ហើយក៏មិនដែលគិតថា បានឈ្នះរង្វាន់ ពិតប្រាកដអញ្ជឹងដែរ។ ខ្ញុំនឹងបន្តចូលរួមកម្មវិធីផ្សេងទៀតរបស់ Huawei ដើម្បីទទួលបានរង្វាន់ ផ្សេងទៀត”។
ស្រដៀងគ្នានេះ កញ្ញា Linda Samnang (ឈ្មោះហេ្វសប៊ុក) ម្ចាស់ជ័យលាភី លេខ 2 បានរៀបរាប់ទៀតថា៖ “ខ្ញុំពិតជាមានអារម្មណ៍រំភើប ភ្ញាក់ផ្អើលនៅពេលឃើញ ឈ្មោះរបស់ខ្លួនបានឈ្នះរង្វាន់ទី 2 ហើយតាមរយៈការប្រកួតនេះកាន់តែធ្វើ អោយខ្ញុំ និងអ្នករាល់គ្នាស្គាល់ Huawei កាន់តែច្បាស់ជាងមុនទៀត។ គួរបញ្ជាក់ដែរថា កម្មវិធីប្រកួតថតរូបដ័ពិសេសមួយនេះនឹងធ្វើការផ្តល់រង្វាន់ដូចជា៖ រង្វាន់ធំទី១ (ស្មាតហ្វូន Huawei P9 Rose Gold ចំនួនមួយរង្វាន់), រង្វាន់ទី 2 (ស្មាតហ្វូន Huawei Y6II ចំនួនមួយរង្វាន់), និងរង្វាន់ទី 3 (ជើងកាមេរ៉ាដ៏ប្រណិតចំនួនប្រាំរង្វាន់)។ សម្រាប់ការដាក់ពិន្ទុកវិញ គឺមានសុក្រឹតភាពទៅលើចំនួន រូបបេះដូង (Emoji)ច្រើនជាងគេ ដោយមិនប្រកាន់ពីគុណភាព។
ចំពោះបេក្ខជនដែលឈ្នះរង្វាន់ទាំងអស់ សូមមេត្តាមកបើករង្វាន់ដោយផ្ទាល់ដោយភ្ជាប់ជាមួយគណនី ហ្វេសប៊ុក និងលេខទូរស័ព្ទរបស់ខ្លួននៅពេលបើករង្វាន់ចាប់ពីថ្ងៃទី 14 កុម្ភៈនេះ ឬទាក់ទងមកកាន់លេខទូរស័ព្ទ 069 732323 ។ អតិថិជន និងអ្នកគាំទ្រទាំងអស់អាចបន្តតាមដានទំព័រហេ្វសប៊ុកផ្លូវការរបស់ក្រុមហ៊ុន Huawei Mobile (KH) ដើម្បីទទួលបានព័ត៌មានបន្ថែមពីប្រូម៉ូសិន និងកម្មវិធីពិសេសៗផ្សេងទៀត៕ សម្រាប់ព័ត៌មានលំអិត សូមចូលទៅកាន់គេហទំព័រហ្វេសប៊ុកផេកផ្លូវការ Huawei Mobile http://www.facebook.com/HuaweimobileKH/