នៅថ្ងៃនេះ ក្រុមហ៊ុនបច្ចេកវិទ្យា Samsung Electronics Co., Ltd បានធ្វើការប្រកាសបង្ហាញនូវរបកគំហើញផលិតផលបច្ចេកវិទ្យាថ្មីមួយទៀត FlexWash ដែលជាម៉ាស៊ីនបោកស្ងួតជំនាន់ថ្មី ដែលប្រើប្រាស់នូវកន្លែងបោកគក់ 2 ភ្ជាប់ជាមួយកន្លែង សម្ងួតមួយទៀតនៅក្នុងម៉ាស៊ីននេះ។ ម៉ាស៊ីនដ៏ទំនើបមួយនេះ ត្រូវបានប្រើប្រាស់នូវបច្ចេកវិទ្យាចុងក្រោយបំផុត និងមុខងារសំខាន់ៗ ដែលធ្លាប់បានប្រើប្រាស់នៅលើម៉ាស៊ីន AddWash Door។ ម៉ាស៊ីនបោកគក់ FlexWash ត្រូវបានបង្កើតឡើងដើម្បីកាត់បន្ថយនូវពេលវេលាក្នុងការបោកគក់ ចំណេញពេលវេលាពាក់កណ្តាល និងជម្រះស្នាមប្រឡាក់នៅលើសម្លៀកបំពាក់បានល្អថ្មីជានិច្ច។
ផ្នែកសន្ទះខាងមុខរបស់ម៉ាស៊ីនបោកគក់ FlexWash អាចដាក់សម្លៀកបំពាក់បានរហូតដល់ទៅ 21 គីឡូក្រាម ដែលពិតជាអស្ចារ្យមែនទែន។ បន្ទាប់ពីការបោកគក់បានបញ្ចប់ ម៉ាស៊ីនបោកគក់នេះ នឹងក្លាយខ្លួនទៅជាម៉ាស៊ីនសម្ងួតទៅលើសម្លៀកបំពាក់ ដែលបានបោកគក់រួច។ ចំនែកផ្នែកសន្ទះ ខាងលើរបស់ម៉ាស៊ីនបោកខោអាវ FlexWash នេះ សម្រាប់បោកខាអាវនៅក្នុងចំនួនតិចតួចជាពិសេសសម្ភារៈដែលលោកអ្នកប្រុងប្រយ័ត្ន ហើយអ្វីដែលកាន់តែពិសេសនោះ វាប្រើប្រាស់នូវបច្ចេកវិទ្យា AirWash Technology របស់ក្រុមហ៊ុនSamsung ដែលផ្តល់នូវមុខងារ Heat-Sensitive សម្រាប់បាញ់ខ្យល់ទៅលើសម្លៀកបំពាក់។ ផ្នែកសន្ទះ សម្រាប់ដាក់ខោអាវបោកគក់នេះក៏អាចដំណើរការបាននៅក្នុងពេលតែមួយផងដែរ។
ម៉ាស៊ីនបោកគក់ស៊េរីថ្មី FlexWash នេះ នឹងក្លាយជាផ្នែកមួយនៃផលិតផលដ៏អស្ចារ្យនៅលើទីផ្សារដែលផ្តល់នូវទំនុកចិត្ត ចំណេញពេលវេលា និងជាជម្រើសមួយដ៏ល្អបំផុតក្នុងការបោកសម្អាតសម្លៀកបំពាក់របស់លោកអ្នក។ សមត្ថភាពក្នុងការបោកគក់ទាំងផ្នែកខាងក្រោម និងផ្នែកខាងលើជួយឱ្យអ្នកប្រើប្រាស់ចំណេញនូវពេលវេលាបានកាន់តែលឿនជាងមុន។ ថ្មីៗនេះ ក្រុមអ្នកស្រាវជ្រាវបានបង្ហាញថា អ្នកប្រើប្រាស់ 87% នៅសហរដ្ឋអាមេរិច ចង់បានម៉ាស៊ីនបោកគក់ដែលអាចសម្អាត់នូវសម្លៀកបំពាក់បានស្អាតល្អ និងមានកន្លែងបោកសម្លៀកបំពាក់ប្រភេទផ្សេងគ្នានៅកន្លេងផ្សេងគ្នាក្នុងពេលតែមួយ ខណៈពេលដែលអ្នកប្រើប្រាស់ 70% ទៀតជ្រើសរើសប្រើប្រាស់នូវម៉ាស៊ីនដែលអាចធ្វើការមួយហើយទៅមួយទៀតបានដោយខ្លួនឯង។
ម៉ាស៊ីនបោកគក់ All-in-one Laundry នេះផ្តល់នូវបច្ចេកវិទ្យាសំខាន់ៗ 3 ធំៗដែលមានដូចជា EcoBubble, Bubble Soak និង Vibration Reduction Technology (VRT) ។ បច្ចេកវិទ្យា EcoBubble ប្រើប្រាស់នូវខ្យល់ និងទឹកដើម្បីសម្អាត និងបង្កើតទៅជាពពុះច្រើនក្នុងការសម្អាតសម្លៀកបំពាក់ដែលមានប្រសិទ្ធភាពច្រើនជាងមុន 40 ដងចំនែកបច្ចេកវិទ្យា Bubble Soak វិញធ្វើឱ្យពពុះទាំងនោះជ្រាបចូលពេញផ្ទៃនៃសាច់ក្រណាត់ដើម្បីឱ្យការសម្អាតបានគ្រប់ផ្នែកទាំងអស់ ហើយបច្ចេកវិទ្យា VRT វិញកាត់បន្ថយនូវសំឡេងរំខាន ឬញ័រខ្លាំងនៅពេលដែលម៉ាស៊ីនកំពុងតែដំណើរការ។ អ្វីដែលកាន់តែពិសេសទៀតនោះ ម៉ាស៊ីនបោកគក់នេះបានប្រើប្រាស់នូវបច្ចេកវិទ្យា IoT ដែលអាចដំណើរការបញ្ជាបានតាមរយៈកម្មវិធី Samsung Smart Home App ដែលអនុញ្ញាតឱ្យអ្នកប្រប្រាស់ អាចធ្វើការគ្រប់គ្រងទៅលើម៉ាស៊ីនបោកគក់នេះ បានគ្រប់ពេលវេលានឹងគ្រប់ទីកន្លែងជាមួយនឹងការប្រើប្រាស់តាមរយៈស្មាតហ្វូនរបស់ពួកគេដោយធ្វើការចាប់ផ្តើម បញ្ឈប់ ឬធ្វើការគ្រប់គ្រងនូវជំហានដំណើរការជាច្រើនទៀត៕
