អ្នកគាំទ្រជាច្រើននាក់របស់ក្រុមហ៊ុន LG បង្ហាញអំពីអ្វីដេលពួកគេចង់បានអំពីបច្ចេកវិទ្យាថ្មីនៅលើកាមេរ៉ាសម្រាប់ស្មាតហ្វូន LG ស៊េរីថ្មី

ក្រុមហ៊ុន LG ទើបតែធ្វើការបញ្ចេញនូវវីដេអូក្លីបមួយដែលបង្ហាញអំពីចំណាប់អារម្មណ៍របស់អ្នកគាំទ្រររបស់ក្រុមហ៊ុន LG (ទាំងអតិថិជនចាស់ និងអតិថិជននាពេលបច្ចុប្បន្ន) ដែលគិតអំពីបច្ចេកវិទ្យាថ្មីសម្រាប់បំពាក់នៅលើស្មាតហ្វូន LG ។ ឧទាហរណ៍ យើងបានលឺអ្នកគាំទ្ររមួយចំនួនរបស់ក្រុមហ៊ុន LG បាននិយាយអំពីមុខងារ Wide Angle ។ អ្នកគាំទ្ររម្នាក់នៅប្រទេសប្រេស៊ីលបានបញ្ជាក់ថា “វាអនុញ្ញាតឱ្យខ្ញុំថតរូបភាពនៃទីក្រុងបានយ៉ាងស្អាតអស្ចារ្យ។” ចំនែកអ្នកគាំទ្ររម្នាក់ទៀតក៏បានបញ្ចេញមតិទៅលើមុខងារ Manual Mode ផងដែរថា “រឿងមួយដែលល្អបំផុតអំពី Manual Mode នោះគឺការគ្រប់គ្រងទៅលើអ្វីគ្រប់យ៉ាងបានយ៉ាងងាយស្រួល។” 

Stateside Jackie ក៏បានកត់សម្គាល់អំពីភាពផ្សេងគ្នានៃរូបភាពដែលនាងបានបង្ហោះនៅក្នុងកម្មវិធី Instagram ផងដែរដែលនាងបាននិយាយថា “វាមើលទៅពិតជាស្រស់ស្អាតជាងមុន” នៅពេលដែលថតរូបជាមួយនឹងកាមេរ៉ារបស់ក្រុមហ៊ុន LG ។ នាងក៏បានសរសើរអំពីគុណភាពនៃរូបភាពដែលនាងបានថតបានដោយបញ្ជាក់ថា “វាពិតជាច្បាស់ជាងមុន” ។

ជាមួយនឹងប្រព័ន្ធកាមេរ៉ាផ្នែកខាងមុខ និងផ្នែកខាងក្រោយនៅលើស្មាតហ្វូន LG របស់ពួកគេ អ្នកប្រើប្រាស់ជាច្រើនអាចធ្វើការថតរូបបានពេញមួយថ្ងៃ និងចែករំលែករូបភាពជាច្រើននោះជាមួយនឹងមិត្តភក្តិ និងក្រុមគ្រួសារបាន។ អ្នកគាំទ្ររបស់ក្រុមហ៊ុន LG ម្នាក់បាននិយាយថា “នេះគឺជាហេតុផលដែលខ្ញុំប្រើប្រាស់នូវកាមេរ៉ានេះច្រើន”។ នៅក្នុងវីដេអូនេះក៏បានបង្ហាញអំពីបច្ចេកវិទ្យាកាមេរ៉ាថ្មីចំនួន 3 ដែលក្រុមហ៊ុន LG បានបង្ហាញដូចជាបច្ចេកវិទ្យា Wide Angle Lens, Expert-Level និង Hi-Fi Record ផងដែរ។ ស្មាតហ្វូនស៊េរីថ្មី LG G6 នឹងប្រើប្រាស់នូវប្រព័ន្ធកាមេរ៉ាភ្លោះ 16MP/8MP នៅផ្នែកខាងក្រោយដូចអ្វីដែលលោកអ្នកធ្លាប់បានឃើញកាលពីឆ្នាមុនដែរ។ នៅឆ្នាំនេះ កាមេរ៉ាផ្នែកខាងមុខដែលមានទំហំ 8MP ដែលប្រើប្រាស់សម្រាប់ថតរូប Selfies និងវីដេអូខលត្រូវបានគេដឹងតាមពាក្យចចាមអារ៉ាមថានឹងប្រើប្រាស់នូវបច្ចេកវិទ្យាស្កែនប្រស្រីភ្នែក Iris Scanner ផងដែរ។