បន្ទាប់ពីបង្ហាញខ្លួនជាផ្លូវការនៅក្នុងកម្មវិធី MWC 2017 កាលពីពេលថ្មីៗកន្លងទៅ ថ្ងៃនេះ ក្រុមហ៊ុនបច្ចេកវិទ្យាយក្ស Sony របស់ប្រទេសជប៉ុន បានបញ្ជាក់ជាផ្លូវការអំពីកាលបរិច្ឆេទនៃការដាក់លក់ស្មាតហ្វូនស៊េរីថ្មីរបស់ខ្លួនហើយ ដោយស្មាតហ្វូនស៊េរីថ្មី Sony Xperia XZs នឹងត្រូវបានក្រុមហ៊ុន ដាក់លក់មុនគេបំផុតនៅថ្ងៃទី 5 ខែមេសាខាងមុខនេះ ហើយតម្លៃរបស់វាគឺ 700 ដុល្លារអាមេរិច។ ចំនែកស្មាតហ្វូន Xperia XA1 នឹងដាក់លក់ជិតចុងខែមេសា គឺនៅថ្ងៃទី 26 ខែ នៅក្នុងតម្លៃប្រមាណជា 300 ដុល្លារអាមេរិច។
ចំពោះស្មាតហ្វូនស៊េរីថ្មី Sony Xperia XZ Premium នឹងដាក់លក់ជាផ្លូវការនៅចុងរដូវផ្ការីកខាងមុខនេះ ប៉ុន្តែតម្លៃរបស់វានៅមិនទាន់បានដឹងនៅឡើយទេ។ ហើយសម្រាប់ស្មាតហ្វូន Xperia XA1 Ultra អេក្រង់ 6 អ៊ីង ក៏នៅមិនទាន់បានដឹងតម្លៃដែរគ្រាន់តែដឹងថា នឹងដាក់លក់នៅរដូវក្តៅខាងមុខនេះ។ អ្វីដែលកាន់តែអស្ចារ្យ និងទាក់ទាញបំផុតសម្រាប់ស្មាតហ្វូនទាំង 4 ស៊េរីម៉ូដែលនេះ គឺវាប្រើប្រាស់នូវមុខងារ Slow-Motion Videos កម្រិត 960fps ដែលថតដោយត្រកូលស្មាតហ្វូន XZ Premium និង XZs ៕