ជាមួយនឹងសកម្មភាពការងារដ៏មមាញឹកប្រចាំថ្ងៃ ដែលតំរូវឲ្យអ្នកត្រូវ បើកបរដឹកទំនិញធ្ងន់ៗ ដើម្បីទៅកាន់គោលដៅក្នុងស្ថានភាពផ្លូវផ្សែងៗគ្នា ដូចជា ចុះទឹក ភក់ ឡើងភ្នំ បើកបរកាត់ភ្យុះភ្លៀង និងអូសសណ្តោងផ្សេងៗ ជាដើម! បានជំរុញឲ្យមនុស្សបច្ចុប្បន្នងាកទៅរករថយន្តប្រភេទ Pick-up ដើម្បីដោះស្រាយបញ្ហារបស់ពួកគេ ដែលជាកត្តាមួយដែលជំរុញឲ្យទីផ្សាររថយន្ត Pick-up កាន់តែមានសន្ទុះនៅតំបន់អាស៊ីប៉ាស៊ីហ្វិច។
មនុស្សប្រាំមួយនាក់ មកពីប្រទេសចំនួនប្រាំមួយខុសៗគ្នា ដែលត្រូវការរថយន្តដែលមានសមត្ថភាពនិងអាចស៊ូនឹងការលំបាក ដើម្បីជួយសម្រេចភារកិច្ចពិបាកបំផុតរបស់ពួកគេ។ តើរថយន្ត Ford Ranger អាចជួយឱ្យពួកគេជំនះឧបសគ្គទាំងនេះបានទេ? ដើម្បីបញ្ជាក់ឲ្យកាន់តែច្បាស់ ក្រុមការងាររបស់ Ford បានសម្រេចយករថយន្ត Ford Ranger មកធ្វើតេស្តផ្ទាល់ជាមួយនឹងស្ថានភាពប្រចាំថ្ងៃដែលប្រជាជននៅតំបន់អាស៊ីប៉ាស៊ីហ្វិចតែងតែជួបប្រទះ។ ការធ្វើតេស្តនេះបានធ្វើឡើងនៅក្នុង 6 ប្រទេស រួមមានប្រទេសអូស្ត្រាលី ម៉ាឡេស៊ី នូវែលហ្សេឡង់ ថៃ ភីលីពីន និងវៀតណាម ដែលជួបប្រទះជាមួយនឹងឧបសគ្គផ្សេងៗគ្នា។
1. ប្រទេសអូស្ត្រាលី : ការសិក្សាស្រាវជ្រាវទៅលើសត្វក្រពើទឹកប្រៃនៃភាគ ខាងជើងប្រទេសអូស្ត្រាលី ដែលតម្រូវឲ្យពួកគេធ្វើដំណើរតាមផ្លូវលំប្រហែល ៩០គម ទៅដងទន្លេ Adelaide ។
2. ប្រទេសម៉ាឡេស៊ី: ការធ្វើដំណើរទៅកាន់កន្លែងបោះជំរុំ កាត់តាមផ្លូវ Kota Belud ដែលជាមានឧបសគ្គច្រើន ជាងគេនៅតំបន់ភាគខាងលិចនៃរដ្ឋ Sabah ប្រទេសម៉ាឡេស៊ី។
3. ប្រទេសណូវែលហ្សេឡង់: ការសណ្ដោងក្បាល Excavator ពីរោងជាងដោយឆ្លងកាត់ព្រៃភក់មានឧបសគ្គច្រើនដើម្បីទៅកាន់ការដ្ឋានដែលស្ថិតនៅកណ្តាលទីក្រុង Auckland។
4. ប្រទេសថៃ: ការធ្វើដំណើរឡើងភ្នំដោយឆ្លងកាត់ទឹក និងផ្លូវភក់តូចចង្អៀតដែលមានផ្ទៃមិនរាបស្មើ ទៅកាន់ចម្ការដាំកូនឈើនៅលើភ្នំ។
5. ប្រទេសភីលីពីន: ការធ្វើដំណើររហូតដល់ទៅ 6 ម៉ោងនៅក្រោមព្យុះភ្លៀងធំ ដោយមានដឹកថ្នាំសង្កូវនិងឧបករណ៍ពេទ្យមួយចំនួនទៅកាន់តំបន់ដាច់ស្រយាលមួយនៃប្រទេសហ្វីលីពីនដើម្បីព្យាបាលសត្វដែលឈឺដោយសារអាកាសធាតុប្រែប្រួល។
6. ប្រទេសវៀតណាម : ការធ្វើដំណើរ៦ម៉ោងពីទីក្រុង Hanoi ទៅកាន់ភូមិដាច់ស្រយាលមួយនៅលើភ្នំ ដោយមានដឹកឥវ៉ាន់ផ្សេងៗមានដូចជា សៀវភៅ អាហារ និងសំលៀកបំពាក់ដែលសរុបទៅមានទម្ងន់ប្រហែល 1,000kg ឡើងទៅលើភ្នំ។
ឆ្លងកាត់តាមរយៈការធ្វើតេស្តជាមួយនឹងស្ថានភាពផ្លូវ និងឧបសគ្គក្នុងប្រទេស៦ផ្សេងៗគ្នាខាងលើ បានបង្ហាញឲ្យឃើញថា រថយន្ត Ford Ranger គឺជារថយន្ត ដែលពោពេញដោយសមត្ថភាព មានកំលាំងខ្លាំងលើសគេ មានភាពរឹងមាំ សុវត្ថិភាពខ្ពស់ បើកបរបានគ្រប់ស្ថានភាពផ្លូវ មានមុខងារច្រើនយ៉ាង និងមានបច្ចេកវិទ្យាឆ្លាតលើសពីរថយន្ត Pick Up ដទៃ។