ថ្មីៗនេះ លោក Torsten Valeur ដែលជាអ្នករចនាម៉ូដដ៏ល្បីឈ្មោះនៅទូទាំងពិភពលោកបាននិយាយប្រាប់នៅក្នុងបទសម្ភាសន៍មួយថា គាត់មានឱកាសបានមើលឃើញអំពីរូបរាង និងការរចនាម៉ូដរបស់ស្មាតហ្វូនស៊េរីថ្មី LG G6 ហើយគាត់ពិតជាកោតសរសើរនូវស្មាតហ្វូននេះមិនដាច់ពីមាត់នោះទេថា “ការរចនារូបរាងដ៏ស្រស់ស្អាតទាក់ទាញបំផុត ការប្រើប្រាស់នូវបច្ចេកវិទ្យាឆ្លាតវៃ និងបទពិសោធន៍ថ្មីអស្ចារ្យទៅកាន់អ្នកប្រើប្រាស់គឺជាអ្វីដែលស្មាតហ្វូននេះមាន។
បច្ចុប្បន្ននេះ លោក Torsten Valeur គឺជានាយកប្រតិបត្តិរបស់ក្រុមហ៊ុន David Lewis Designers ដែលជាក្រុមហ៊ុនល្បីល្បាញធ្លាប់បានឈ្នះពានរង្វាន់ធំៗដូចជា iF Design Awards និង Good Design Awards ផងដែរ។ លោក Valeur បានកោតសរសើរអំពីការរចនាម៉ូដទៅលើរូបរាងរបស់ស្មាតហ្វូនស៊េរីថ្មី LG G6 ដែលមិនត្រឹមតែផ្តោតសំខាន់ទៅលើភាពស្រស់ស្អាតទាក់ទាញប៉ុណ្ណោះទេ ថែមទាំងបង្ហាញពីភាពរឹងម៉ាំថែមទៀត។ នៅក្នុងការបង្ហាញអំពីចំណាប់អារម្មណ៍របស់លោកជាលើកដំបូងនោះទៅកាន់ស្មាតហ្វូន LG G6 លោក Valeur បានបញ្ជាក់ថា គន្លឹះនៃការរចនាមិនមែនផ្តោតតែទៅលើរូបរាងស្រស់ស្អាតនោះទេ ប៉ុន្តែយើងផ្តោតទៅលើអ្វីដែលអ្នកប្រើប្រាស់ចង់បាន ហើយអ្នកប្រើប្រាស់បច្ចុប្បន្ននេះកំពុងតែចង់បាននូវស្មាតហ្វូនដែលមានអេក្រង់ FullVision ហើយវាក៏ជាគំនិតល្អដែរក្នុងការដកចេញនូវអ្វីដែលមិនចាំបាច់មួយចំនួនចោល។
ស្មាតហ្វូន LG G6 ពិតជាមានការរចនារូបរាងយ៉ាងល្អឥតខ្ចោះ និងគួរឱ្យចង់ប្រើប្រាស់បំផុត។ ជាមួយនឹងការស្រោបគែមដោយលោហៈធាតុបានធ្វើឱ្យស្មាតហ្វូននេះរលើបរលោង និងមានរូបរាងដែលបង្ហាញពីភាពរឹងម៉ាំធន់របស់វា។ ផ្នែកខាងក្រោយវិញគឺរាបស្មើរ ហើយប្រព័ន្ធកាមេរ៉ាគឺរាបស្មើរស៊ីនឹងផ្ទៃខាងក្រោយតែម្តង។ លោក Valeur នៅតែបន្តរបន្ថែមថា ស្មាតហ្វូន LG G6 ពិតជាងាយស្រួលក្នុងការប្រើប្រាស់ត្រឹមតែដៃម្ខាងបានយ៉ាងងាយស្រួល ហើយលោកអ្នកនឹងមានអារម្មណ៍ល្អបំផុតនៅពេលដែលកាន់ក្តាប់ទូរស័ព្ទនេះនៅក្នុងដៃ។
លោក Valeur បន្ថែមថា “ខ្ញុំជឿជាក់ថានៅពេលដែលលោកអ្នកបានកាន់ស្មាតហ្វូននេះនៅក្នុងដៃ ចាប់ផ្តើមការប្រើប្រាស់វា ប៉ះនៅលើកញ្ចក់អេក្រង់របស់វា ឬក៏សម្លឹងមើលទៅកាន់ស្មាតហ្វូននេះ លោកអ្នកពិតជាមានអារម្មណ៍រីករាយ និងចង់យកស្មាតហ្វូននេះទៅតាមខ្លួនជានិច្ច៕”