លោក Torsten Valeur ដែលជាអ្នករចនាម៉ូដដ៏ល្បីល្បាញនៅក្នុងពិភពលោកបានកោតសរសើរខ្លាំងទៅលើការរចនារូបរាងរបស់ស្មាតហ្វូនស៊េរីថ្មី LG G6 ដែលមើលទៅពិតជាមានភាពទាក់ទាញ និងអស្ចារ្យជាទីបំផុត។ លោក Valeur បានបញ្ជាក់ថា “ការរចនារូបរាងដ៏ស្រស់ស្អាតទាក់ទាញបំផុត ការប្រើប្រាស់នូវបច្ចេកវិទ្យាឆ្លាតវៃ និងបទពិសោធន៍ថ្មីអស្ចារ្យទៅកាន់អ្នកប្រើប្រាស់គឺជាអ្វីដែលស្មាតហ្វូននេះមាន។ជឿជាក់ថានៅពេលដែលលោកអ្នកបានកាន់ស្មាតហ្វូននេះនៅក្នុងដៃ ចាប់ផ្តើមការប្រើប្រាស់វា ប៉ះនៅលើកញ្ចក់អេក្រង់របស់វា ឬក៏សម្លឹងមើលទៅកាន់ស្មាតហ្វូននេះ លោកអ្នកពិតជាមានអារម្មណ៍រីករាយ និងចង់យកស្មាតហ្វូននេះទៅតាមខ្លួនជានិច្ច។
ការវិវត្តន៍នៃការប្រើប្រាស់អេក្រង់ Full Vision ជាមួយនឹងជ្រុងគែមកោងពិតជាទាក់ភ្នែកអ្នកប្រើប្រាស់ជាទីបំផុត។ លោកបានសរសើរមិនដាច់ពីមាត់អំពីការផ្លាស់ប្តូរនៃការរចនារូបរាងថ្មី ការស្រោបដោយលោហធាតុដ៏រលើបរលោង ការប្រើប្រាស់នូវកាមេរ៉ាដែលមានរាបស្មើរជាមួយនឹងផ្ទៃខាងក្រោយ និងផ្តល់នូវបទពិសោធន៍នៃការប្រើប្រាស់ដ៏អស្ចារ្យបំផុត។ លោក Valeur គឺជានាយកប្រតិបត្តិរបស់ក្រុមហ៊ុន David Lewis Designers ដែលបានឈ្នះពានរង្វាន់ជាច្រើនផ្នែករចនាម៉ូដ ដូចនេះគាត់ពិតជាដឹងច្បាស់អំពីរឿងនេះ។ ខាងក្រោមនេះគឺជាបទសម្ភាសន៍របស់លោក Valeur សូមទស្សនាវីដេអូខាងក្រោម៖
គួរបញ្ជាក់ផងដែរថា ស្មាតហ្វូនស៊េរីថ្មី LG G6 នឹងបង្ហាញខ្លួនជាផ្លូវការនៅថ្ងៃទី 26 ខែកុម្ភៈខាងមុខនេះនៅក្នុងព្រឹត្តិការណ៍តាំងពិពរណ៍ MWC នៅទីក្រុងបាសេឡូណា៕