ដូចអ្វីដែលយើងធ្លាប់បានប្រាប់លោកអ្នកកាលពីពេលមុននេះ ស្មាតហ្វូន ដែលមានសមត្ថភាពខ្លាំងដែលដំណើរការនូវប្រព័ន្ធប្រតិបត្តិការ Windows 10 Mobile នោះគឺស្មាតហ្វូន HP Elite 3 ដែលអាចនឹងជំនួសដោយម៉ូដែលស៊េរីថ្មីនាពេលឆាប់ៗនេះ។ នៅក្នងព្រឹត្តិការណ៍តាំងពិពរណ៍ MWC ស្មាតហ្វូនស៊េរីថ្មីដែលបានបង្ហាញខ្លួននេះមានរូបរាងស្រដៀងគ្នាទៅនឹងស្មាតហ្វូន HP Elite 3 គ្រាន់តែស្មាតហ្វូននេះ មានស៊ុមព័ទ្ធជុំវិញអេក្រង់ស្តើងជាងមុន ហើយកាមេរ៉ាផ្នែកខាងមុខរបស់ស្មាតហ្វូននេះ បានផ្លាស់ទីទៅកាន់ផ្នែកម្ខាងទៀត។ ស្មាតហ្វូននេះ មិនប្រើប្រាស់នូវ Speaker នៅខាងក្រោមដូចមុនទៀតនោះទេ។
នៅក្នុងព្រឹត្តិការណ៍តាំងពិពរណ៍ MWC នេះ ក៏មានការបង្ហាញនូវកុំព្យូទ័រយូរដៃ Lap Dock ថ្មីសម្រាប់ប្រើប្រាស់ជាមួយនឹងស្មាតហ្វូន Elite x3 ឬ Elite x4 ។ ជាមួយនឹងកុំព្យូទ័រ Lap Dock ស្មាតហ្វូន HP Elite x3 អាចបញ្ជាទៅលើកុំព្យូទ័រយួរដៃនេះបាន។ កុំព្យូទ័រ Lap Dock នេះមានអេក្រង់ទំហំធំដល់ទៅ 13 អ៊ីងទៅ 14 អ៊ីងដែលមានការកែប្រែពីកុំព្យូទ័រ 12.5 អ៊ីងសម្រាប់ម៉ូដែលនាពេលបច្ចុប្បន្ន។ កុំព្យូទ័រយួរដៃនេះ មានរន្ធដោត USB-Type C និងរន្ធដោត USB-A Ports ផងដែរ។ កុំព្យូទ័រ Lap Dock ស៊េរីថ្មីនេះនឹងមានតម្លៃថោកជាងឧបករណ៍ដែលកំពុងតែដាក់លក់នៅក្នុងពេលបច្ចុប្បន្ន។ ហេតុផលនៃការទម្លាក់តម្លៃនោះគឺដោយសារតែកុំព្យូទ័រយួរដៃថ្មីនេះមិនភ្ជាប់ជាមួយនឹងអេក្រង់ Touchscreen នោះទេ។ ខណៈពេលដែលវានៅមិនទាន់មានព័ត៌មាននៃការបង្ហាញខ្លួនរបស់ HP Elite X3 ជាមួយនឹងកុំព្យូទ័រ Lap Dock ស៊េរីថ្មីនៅឡើយទេ គេរំពឹងថាឧបករណ៍ទាំង 2 នេះនឹងបង្ហាញខ្លួននៅចុងឆ្នាំនេះ។ វត្តមានរបស់ឧបករណ៍ទាំងពីរនេះនៅក្នុងព្រឹត្តិការណ៍ MWC ហាក់ដូចជាបង្ហាញយ៉ាងច្បាស់ថាវាអាចនឹងដាក់លក់នៅពាក់កណ្តាលឆ្នាំនេះហើយ៕