នៅក្នុងឱកាសថ្ងៃទិវាទឹកពិភពលោក (World Water Day) នៅថ្ងៃនេះ ពិភពលោកទាំងមូលកំពុងតែយកចិត្តទុកដាក់យ៉ាងខ្លាំងទៅលើវិបត្តិទឹកសម្រាប់មនុស្ស 1.8 ពាន់លាននាក់ នៅជុំវិញពិភពលោកកំពុងប្រឈមមុខ។ កង្វះនៃទឹកផឹកស្អាត បានក្លាយទៅជាបញ្ហា ដែលនៅតែបន្តកើតមានសម្រាប់ប្រទេសជាច្រើននៅលើពិភពលោក ហើយអង្គការសហប្រជាជាតិ (UN) កំពុងតែព្យាយាមបង្កើនការយល់ដឹងលើបញ្ហានេះ ជារៀងរាល់ឆ្នាំគឺថ្ងៃទី 22 ខែមីនាម្សិលមិញនេះ។
ក្រុមអ្នកអភិវឌ្ឍហ្គេម Niantic ក៏គិតអំពីបញ្ហារឿងទឹកនេះនៅក្នុងគំនិតរបស់ពួកគេផងដែរ។ ពួកគេបានប្រារព្ធធ្វើពិធី Pokemon GO Water Festival ចាប់ផ្តើមនៅថ្ងៃនេះពីម៉ោង 1:00 PM PST / 4 PM EST ។ ព្រឹត្តិការណ៍នេះនឹងដំណើរការដល់ថ្ងៃទី 29 ខែមីនាវេលាម៉ោង 1 PM PST ។ នៅក្នុងទិវា Water Festival នេះ អ្នកអាចមើលឃើញនូវ Magikarp, Squirtle, Totodile និងការវិវត្តន៍របស់ពួកគេនៅជុំវិញពិភពលោក។ ជាមួយគ្នានេះផងដែរ ប្រសិនបើអ្នកស្ថិតនៅក្នុងកន្លែងដែលសម្បូរ Water-type Pokemon អ្នកនឹងអាចមើលឃើញពីអត្រាកើនឡើងនៃទឹក Gen 2 water Pokemon ។
បន្ថែមពីនេះទៀត វានឹងមានវត្ថុ avatar ថ្មីមួយគឺ Magikarp Hat ។ យើងនៅមិនទាន់ដឹងនៅឡើយទេថាតើអ្នកណាដែលចង់ពាក់នូវ Magikarp នៅលើក្បាលរបស់ពួកគេនោះ។ តើព្រឹត្តិការណ៍នេះមានន័យយ៉ាងដូចម្តេចសម្រាប់អ្នក? លោកអ្នកក៏មានឱកាសអាចទទួលបាននូវ Lapras និង Gyarados ទៀតផង៕