ស្មាតហ្វូនស៊េរីថ្មី Oppo F3 Plus ប្រកាសសម្ពោធជាផ្លូវការភ្ជាប់ជាមួយប្រព័ន្ធកាមេរ៉ាភ្លោះខាងមុខ (Selfie expert) ថ្មីដ៏ស្រស់ស្អាត ដែលអាចថតរូបភាពបានក្នុងកម្រិត 120° ចាប់រូបភាពបានល្អឥតខ្ចោះ និងគ្មានគូប្រៀបនោះទេ។ កាមេរ៉ា wide-angle selfies ទំហំ 8MP អាចថតរូបភាព Selfies បានយ៉ាងស្រស់ស្អាតជាមួយនឹងកម្រិតភាពច្បាស់ខ្ពស់ ចំនែកកាមេរ៉ាខាងក្រោយរបស់ស្មាតហ្វូនស៊េរីថ្មីនេះមានទំហំ 16MP ខ្ចីបច្ចេកវិទ្យាថ្មីៗធ្លាប់ប្រើប្រាស់រួចម្តងពីស្មាតហ្វូន Oppo R9s ក្នុងនោះមានដូចជាសែនស័រ 1/2.8” Sony IMX398 sensor រួមជាមួយនឹង f/1.7 aperture ។
លើសពីនេះទៀត វាមានបច្ចេកវិទ្យា Dual Pixel Autofocus ជាមួយនឹង Dual-Tone LED Flash ថែមទៀត។ ស្មាតហ្វូន Oppo F3 Plus មានទំហំធំជាងស្មាតហ្វូន Oppo R9s ។ វាមានអេក្រង់ទំហំ 6 អ៊ីងកញ្ចក់ការពារប្រភេទ Gorilla Glass 5 ថាមពលថ្មខ្លាំង 4,000mAh និងបច្ចេកវិទ្យាបញ្ចូលថ្មលឿន VOOC Charge ទៀតផង។
ស្មាតហ្វូនស៊េរីថ្មី Oppo F3 Plus ប្រើប្រាស់បន្ទះឈីប Snapdragon 653 (Cortex-A72 ចំនួន 4 Cores) រ៉េមផ្ទុកទិន្នន័យបណ្តោះអាសន្នទំហំ 4GB ម៉េមូរីក្នុងម៉ាស៊ីនទំហំ 64GB និងប្រព័ន្ធប្រតិបត្តិការ Android 6.0 Marshmallow រួមជាមួយនឹង Colors OS 3.0 ដែលជាកម្មវិធីចុងក្រោយបំផុតរបស់ក្រុមហ៊ុន Oppo ។ ស្មាតហ្វូនស៊េរីថ្មីនេះ នឹងបង្ហាញខ្លួននៅក្នុងប្រទេសឥណ្ឌាឆាប់ៗនេះ ប៉ុន្តែតម្លៃរបស់វា នៅមិនទាន់បញ្ជាក់ឱ្យដឹងនៅឡើយទេ។ ការប្រកាសជាផ្លូវការចាប់ផ្តើមនៅថ្ងៃស្អែកនេះ ហើយយើងនឹងមើលឃើញស្មាតហ្វូន Oppo F3 បងប្អូនភ្លោះជាមួយស្មាតហ្វូន Oppo F3 Plus ៕
