ខណៈពេលដែលយើងបានឃើញនូវរូបភាព Renders ជាច្រើននៃស្មាតហ្វូនស៊េរីថ្មី Galaxy S8+ ពណ៌ Orchid Grey ប៉ុន្តែរូបភាពស្មាតហ្វូនពិតប្រាកដនៅមិនទាន់បែកធ្លាយនៅឡើយទេ។ ថ្មីៗនេះ អ្នកប្រើប្រាស់នៅលើបណ្តាញសង្គម Weibo បង្ហោះនូវរូបភាពជាច្រើនសន្លឹករបស់ស្មាតហ្វូន Galaxy S8+ ពណ៌ Orchid Grey ជាច្រើនសន្លឹកដ៏ស្រស់ស្អាត។
រូបភាពរបស់ស្មាតហ្វូននេះដូចទៅនឹងអ្វីដែលយើងធ្លាប់បានឃើញ និងបានលឺជាយូរមកហើយអំពីការរចនារូបរាង និងពណ៌ចម្រុះរបស់វាដែលមានអេក្រង់កោង ជ្រុងកោង ប្រព័ន្ធស្កែនក្រយ៉ៅដៃនៅផ្នែកខាងក្រោយ និង Live Lock Screen ជាមួយនឹងបច្ចេកវិទ្យា Always-on display notifications នៅផ្នែកខាងមុខ។ នៅក្នុងសារបង្ហោះនេះបញ្ជាក់អំពីអ្វីដែលយើងមើលឃើញនៅក្នុងការបែកធ្លាយជាច្រើនដែលម៉ូដែលជាច្រើនពណ៌នេះនឹងមានពណ៌ខ្មៅនៅផ្នែកខាងមុខ និងពណ៌ដ៏ស្រស់ស្អាតនៅផ្នែកខាងក្រោយ។ នៅលើរូបភាពស្មាតហ្វូនស៊េរីថ្មីនេះមានឃើញរូបភាពឡូហ្គូ Samsung នៅផ្នែកខាងក្រោយផងដែរ៕
