កាលពីថ្ងៃទី 20 ខែមិនា នេះ នៅប្រទេសសឹង្ហបូរី ក្រុមហ៊ុន Samsung បានបញ្ជាក់អោយដឹងថា អ្នកប្រើប្រាស់ជាច្រើន បានបញ្ចេញនូទស្សនះផ្ទាល់ខ្លួន ដោយមានជំនឿថា សកម្មភាពចូលរួមនៅក្នុងសង្គមរបស់ក្រុមហ៊ុននីមួយៗ គឺផ្តល់នូវសារៈប្រយោជន៍ខ្លាំង និងសង្ឃឹមថា ក្រុមហ៊ុនទាំងអស់បន្តចូលរួមចំណែកយ៉ាងសកម្មក្នុងការជួយអភិវឌ្ឍសង្គម។ ទាំងនេះ ជាការរកឃើញពីការសិក្សាស្រាវជ្រាវថ្មីមួយពីប្រទេសទាំង 9 ទូទាំងតំបន់អាស៊ីអាគ្នេយ៍ និងអូសេអានី ដែលបានធ្វើទ្បើងដោយក្រុមហ៊ុន Kadence Singapore និងប្រគល់សិទ្ធិដោយក្រុមហ៊ុន Samsung។ អ្នកឆ្លើយសំណួរ 3នាក់ នៅក្នុងចំណោម 10 នាក់ (29%) បានទទួលស្គាល់ថា ក្រុមហ៊ុន Samsung បានចូលរួមយ៉ាងសកម្មក្នុងសកម្មភាពសង្គម ដែលមានពិន្ទុខ្ពស់ជាងពីរដងលើក្រុមហ៊ុនជាប់ក្នុងបញ្ជីបន្ទាប់ (ក្រុមហ៊ុនផ្គត់ផ្គង់ឧបករណ៍អេឡិចត្រូនិច។ ក្នុងចំណោមក្រុមហ៊ុនក្នុងដែលមានឈ្មោះក្នុងបញ្ជីទាំងក្រុមហ៊ុនបច្ចេកវិទ្យា និងឧបករណ៍មិនប្រើបច្ចេកវិទ្យា Samsung ក៏ថែមទាំងស្ថិតនៅក្នុងចំណាត់ថ្នាក់នាំមុខគេក្នុងចំណោមសមាគមដ៏ល្អផងដែរ (45%)។
លោកស្រី Irene Ng ដែលជាអនុប្រធានផ្នែកទីផ្សារសាជីវកម្មរបស់ក្រុមហ៊ុន Samsung ប្រចាំតំបន់អាស៊ីអាគ្នេយ៍ និងអូសេអានី បានមានប្រសាសន៍ថា៖ វាជារឿងដ៏ប្រពៃមួយដែលបានដឹងថាអ្នកប្រើប្រាស់ទទួលស្គាល់អត្ថប្រយោជន៍ពិតប្រាកដដែលកម្មវិធីទាំងនេះបានផ្តល់ឲ្យសហគមន៍ ហើយយើងនឹងខិតខំប្រឹងប្រែងដើម្បីធ្វើឲ្យជីវិតអ្នកគ្រប់គ្នាកាន់តែល្អប្រសើរទ្បើងតាមរយៈកម្មវិធីសង្គមឲ្យកាន់តែធំទូលាយ និងមាននិរន្តភាពយូរអង្វែង។
ក្រុមហ៊ុន Samsung ជឿជាក់ថា ការអប់រំគឺជាគ្រាប់ពូជដែលផ្តល់នូវគំនិតច្នៃប្រឌិតថ្មីៗ ហើយក្រុមហ៊ុនមានការប្តេជ្ញាចិត្តក្នុងការ អភិវឌ្ឍសហគមន៍តាមរយៈការផ្តល់ការសិក្សាពីបរិស្ថានវ័យឆ្លាត។ នៅទូទាំងទ្វីបអាស៊ីអាគ្នេយ៍ និងអូសេអានី Samsung បានបង្កើតសាលា និងបណ្ណាល័យវ័យឆ្លាតចំនួនជាង 160 កន្លែង និង 20 វិទ្យាស្ថានសម្រាប់វគ្គបណ្តុះបណ្តាលបច្ចេកវិទ្យា ដើម្បីផ្សាភ្ជាប់ពិភពឌីជីថលទៅនឹងជីវិតរស់នៅប្រចាំថ្ងៃ ដែលជួយឲ្យសិស្សានុសិស្សអាចស្វែងយល់ពីវិធីសិក្សាកាន់តែវ័យឆ្លាត និងបណ្តុះនូវទេពកោសល្យឲ្យបានជោគជ័យនៅទូទាំងតំបន់។ សាលា និងបណ្ណាល័យវ័យឆ្លាតរបស់ Samsung (Samsung Smart Schools and Libraries) ប្រើនូវបច្ចេកវិទ្យា ដែលបង្កើតនូវវិធីសាស្រ្តនៃការសិក្សាថ្មីៗ និងកាន់តែទូលំទូលាយសម្រាប់សិស្ស តាមរយៈកម្មវិធីសិក្សាប្រកបដោយភាពច្នៃប្រឌិត ក៏ដូចជាព័ត៌មានកាន់តែច្រើនសម្បូរបែប និងមានអត្ថប្រយោជន៍ផងដែរ។
លើសពីនេះទៀត វគ្គបណ្តុះបណ្តាល Samsung Tech Institutes ត្រូវបានរៀបចំឡើងដើម្បីផ្តល់ឱកាសដល់យុវជន និងយុវតីជំនាន់ក្រោយ ទទួលបានអនាគតកាន់តែប្រសើរ ព្រមទាំងស្វែងរកអ្នកជំនាញបច្ចេកទេសដែលកំពុងតែខ្វះខាត។ វគ្គបណ្តុះបណ្តាល Samsung Tech Institutes ធានាថា យុវជនអាចទទួលបាននូវការបណ្តុះបណ្តាលដ៏ល្អបំផុត និងមេរៀនដែលយកទៅប្រើប្រាស់បានក្នុងជីវិតប្រចាំថ្ងៃជាមួយនឹងជំនាញសំខាន់ៗផងដែរ។ ក្នុងគោលបំណងរឹតបន្តឹងសម្ព័ន្ធភាពជាមួយសហគមន៍ក្នុងតំបន់ Samsung ក៏បានរៀបចំនូវកម្មវិធី សង្គមដ៏ធំមួយ ដែលមានឈ្មោះថា Culture.Connect។ ការច្នៃប្រឌិតថ្មីនេះបង្ហាញពីភាពខុសប្លែកពីគេ និងភាពល្បីល្បាញនៃទីផ្សារនីមួយៗ ដែលមានវប្បធម៌ចម្រុះគ្នា រួមមាន អត្តសញ្ញាណប្រវត្តិសាស្ត្រ និងស្នាដៃរចនា ព្រមទាំងសិល្បៈ និងវប្បធម៌ផងដែរ។
ការសិក្សានេះ ត្រូវគេបានរកឃើញនូវឥរិយាបថរបស់អ្នកប្រើប្រាស់ កម្រិតនៃការយល់ដឹង ភាពពាក់ព័ន្ធ និងការផ្លាស់ប្តូរដោយសារតែកម្មវិធីសង្គមដែលរួមមានការផ្សព្វផ្សាយពីឈ្មោះយីហោក្រុមហ៊ុនផងដែរ។ ការស្រង់មតិត្រូវ បានផ្តួចផ្តើមដោយក្រុមហ៊ុន Samsung និងធ្វើឡើងដោយក្រុមហ៊ុន Kadence Singapore ចន្លោះពីថ្ងៃទី 15 ដល់ 28 ធ្នូ 2016។ ហើយទិន្នន័យនេះ ត្រូវបានរក្សាទុក ដែលមានចំនួនអ្នកចូលរួមក្នុងកម្មវិធីស្ទង់មតិនេះ ចំនួន 1916 នាក់ នៅក្នុងប្រទេសចំនួន 9 នៅទូទាំងទ្វីបអាស៊ីអាគ្នេយ៍ និងទ្វីបអូសេអានី ដែលរួមមានដូចជា ប្រទេស សឹង្ហបុរី ម៉ាឡេស៊ី ឥណ្ឌូនេស៊ី ថៃ វៀតណាម ហ្វីលីពីន តៃវ៉ាន់ អូស្ត្រាលី និងនូវែលសេឡង់។