ក្រុមហ៊ុន HMD ចង់ស្តារកិត្តិយសរបស់ខ្លួនដែលបាត់បង់ជាច្រើនឆ្នាំមកហើយដោយគ្រោងដាក់លក់ស្មាតហ្វូនស៊េរីថ្មី Nokia ជាច្រើនស៊េរីរបស់ខ្លួននៅក្នុងទីផ្សារ 120 ប្រទេសផ្សេងគ្នាក្នុងពេលដំណាលគ្នា។ ស្មាតហ្វូនស៊េរីថ្មី Nokia 6, Nokia 5, Nokia 3 និង Nokia 3310 នឹងដាក់លក់ជាផ្លូវការក្នុងពេលដំណាលគ្នានៅលើពិភពលោក។
ពេលវេលានៃការដាក់លក់គឺនៅក្នុងត្រីមាសទី 2 ឆ្នាំ 2017 នេះបើយោងតាមប្រកាសជាផ្លូវការរបស់ក្រុមហ៊ុន HMD ។ ក្រុមហ៊ុនបច្ចេកវិទ្យានេះ នឹងមិនដាក់លក់ស្មាតហ្វូនស៊េរីថ្មីនេះក្នុងថ្ងៃតែមួយនោះទេ ប៉ុន្តែយើងអាចឃើញការដាក់លក់បន្តបន្ទាប់គ្នាជាច្រើននៅក្នុងខែឧសភា។ នៅមុននេះ នាយកប្រតិបត្តិរបស់ក្រុមហ៊ុន HMD និយាយថា ស្មាតហ្វូនស៊េរីថ្មីត្រកូល Nokia នឹងដាក់លក់នៅលើទីផ្សារជាច្រើនចាប់ពីពាក់កណ្តាលខែឧសភារហូតដល់ដើមខែមិថុនា។ សម្រាប់តម្លៃរបស់ស្មាតហ្វូនស៊េរីថ្មីនេះ គឺផ្សេងគ្នាអាស្រ័យទៅលើពន្ធអាករ (VAT) ។ នៅទ្វីបអ៊ឺរ៉ុប ស្មាតហ្វូនត្រកូល Nokia នឹងដាក់លក់ផងដែរនៅទឹកដីសហរដ្ឋអាមេរិក និងឥណ្ឌា៕