ព្រឹត្តិការណ៍នៃការសម្ពោធស្មាតហ្វូនស៊េរីថ្មី Galaxy S8 និង Galaxy S8+ នឹងធ្វើឡើងនៅថ្ងៃទី 29 ខែមីនា ឆ្នាំ 2017 ខាងមុខនេះ។ នៅវលាម៉ោង 09:00 AM PT | 11:00 AM ET | 04:00 PM GMT។ ការប្រកាសសម្ពោធស្មាតហ្វូនស៊េរីថ្មីរបស់ក្រុមហ៊ុន បច្ចេកវិទ្យាយក្សរបស់កូរ៉េខាងត្បូង Samsung ជិតមកដល់ឆាប់ៗនេះហើយ! វាមានរយៈពេលមិនដល់មួយសប្តាហ៍ទៀតនោះទេ ដែលស្មាតហ្វូនស៊េរីថ្មី Samsung Galaxy S8 និង Galaxy S8+ បង្ហាញខ្លួន។ ស្មាតហ្វូនស៊េរីទំនើបនេះ មានការរចនារូបរាងកាន់តែស្រស់ស្អាត និងបំពាក់លក្ខណៈសម្បត្តិគួរឱ្យចាប់អារម្មណ៍បំផុត។ លោកអ្នកប្រហែលជាដឹងហើយថា ក្រុមហ៊ុន Samsung នឹងរៀបចំព្រឹត្តិការណ៍ពីរផ្សេងគ្នាសម្រាប់សម្ពោធស្មាតហ្វូនស៊េរីថ្មីនេះ គឺនៅទីក្រុងញ៉ូវយ៉ក និងទីក្រុងឡុងដ៏។ ប្រសិនបើប្រិយមិត្ត Samsung ចាប់អារម្មណ៍ទៅលើព្រឹត្តិការណ៍នេះ អាចទស្សនាបានតាមវិធីផ្សេងៗគ្នា។ វាមានវិធីមួយចំនួនដែលអ្នកអាចធ្វើការទស្សនានូវព្រឹត្តិការណ៍សម្ភោធន៍ស្មាតហ្វូនស៊េរីថ្មីនេះ។
រហូតមកដល់ពេលនេះ វានៅមិនទាន់មានតំណរ Link សម្រាប់ទស្សនានៅលើ YouTube នៅឡើយទេ ប៉ុន្តែក្រុមហ៊ុនបច្ចេកវិទ្យាយក្ស Samsung នឹងផ្តល់នូវ Link សម្រាប់ផ្សាយបន្តផ្ទាល់នាពេលឆាប់ៗនេះ។ កម្មវិធី Unpacked 2017 លើសពីនេះទៅទៀត ក្រុមហ៊ុន Samsung ក៏រៀបចំកម្មវិធីមួយសម្រាប់ព្រឹត្តិការណ៍ Unpacked Event នៃការសម្ពោធស្មាតហ្វូនស៊េរីថ្មីនេះផងដែរ នៅខណៈពេលនេះ កម្មវិធីនេះ បង្ហាញនូវតារាងពេលវេលានៃការរាប់ថយចុះមកថ្ងៃសម្ភោធន៍ជាផ្លូវការ ហើយលោកអ្នកអាចតម្លើងកម្មវិធីនេះ បានតាមរយៈប្រព័ន្ធប្រតិបត្តិការ Android និង iOS ។
iOS Link: http://itunes.apple.com/kh/app/unpacked-2017/id1204683873?mt=8&ign-mpt=uo%3D4
Android Link: http://play.google.com/store/apps/details?id=com.sec.galaxy.unpacked