ពីមួយថ្ងៃទៅមួយថ្ងៃ ព័ត៌មានរបស់ស្មាតហ្វូន Galaxy S8 ចាប់ផ្តើមបែកធ្លាយជាបន្តបន្ទាប់ ហើយពេលនេះ យើងបានមើលឃើញអំពីរូបរាងយ៉ាងច្បាស់របស់ស្មាតហ្វូនស៊េរីថ្មី Galaxy S8+ ដ៏ស្រស់ស្អាត។ នៅក្នុងវីដេអូថ្មីនេះ បង្ហាញអំពីរូបរាងខាងក្រៅរបស់វា ការបង្ហាញអំពីប៊ូតុងដោយមានការបន្ថែមប៊ូតុងមួយទៀតនៅខាងឆ្វេងរបស់ស្មាតហ្វូនស៊េរីថ្មីនេះ រួមទាំងប្រព័ន្ធស្កែនក្រយ៉ៅដៃ (Fingerprint) បំពាក់នៅផ្នែកខាងក្រោយនៃកាមេរ៉ា Lens។ នេះមិនមែនជារឿងថ្មីអ្វីទៀតនោះទេ ដោយសារដំណឺងនេះមានការបែកធ្លាយជាយូរមកហើយ។ នៅក្នុងវីដេអូនេះ ស្មាតហ្វូន Galaxy S8+ មានអេក្រង់ធំដែលពិបាកសម្រាប់អ្នកប្រើប្រាស់ដែលមានដៃតូចនៅពេលដែលកាន់ទូរស័ព្ទនេះ។ ស្មាតហ្វូន Galaxy S8 និង Galaxy S8+ បង្ហាញខ្លួនជាផ្លូវការនៅថ្ងៃពុធសប្តាហ៍ក្រោយនេះ ក្នុងព្រឹត្តិការណ៍ Samsung Unpacked ថ្ងៃទី 29 ខែមីនា៕