តើវាអាចជារឿងអស់សំណើចដែរឬទេសម្រាប់លោកអ្នកនៅពេលដែលរដ្ឋាភិបាលទីក្រុងប៉េកាំង បញ្ជាឱ្យមានការហាមឃាត់ទូរស័ព្ទ iPhone 6 និង iPhone 6 Plus ទៅលើបណ្តឹងប៉ាតង់នៃការរចនាម៉ូដដែលគួរឱ្យសង្ស័យនោះ? លោកអ្នកមិនមែនជាមនុស្សទីមួយនោះទេ ដែលឆ្ងល់អំពីរឿងនេះ។ តុលាការសម្រេចកាត់ក្តីបញ្រ្ចាស់ពីការហាមឃាត់ (ដែលត្រូវបានផ្អាកក្នុងអំឡុងពេលមានជម្លោះ) និងប្រកាសថា ក្រុមហ៊ុន Apple មិនបានរំលោភទៅលើប៉ាតង់របស់ Shenzhen Baili Marketing Services ដែលចោទប្រកាន់ថា ទូរស័ព្ទ iPhone 6 មានរូបរាងដូចគ្នាទាំងស្រុងជាមួយនឹងស្មាតហ្វូន 100c របស់ខ្លួន។ ការចោទប្រកាន់ដោយគ្មានភស្តុតាងសម្រាប់ការហាមប្រាមនេះជាទង្វើរខុសឆ្គងមួយ នេះបើយោងតាមការសម្រេចនេះ។ តុលាការនិយាយថា អតិថិជនជាច្រើន មិនមានបញ្ហានោះទេ ក្នុងការប្រាប់ពីភាពផ្សេងគ្នានៃស្មាតហ្វូន 100 c និងទូរស័ព្ទ iPhone នោះ។
ការបញ្ជាឱ្យក្រុមហ៊ុន Apple ផ្អាកលក់ទូរស័ព្ទ iPhone 6 និង iPhone 6 Plus មួយរយៈខ្លី ឬក៏តុលាការគាំទ្រទៅលើការហាមប្រាមនេះ ក្រុមហ៊ុន Apple មិនខាតបង់ទឹកប្រាក់ច្រើននោះទេ។ ទោះជាយ៉ាងណាក៏ដោយ ការសម្រេចរបស់តុលាការនេះប្រហែលជាធ្វើឱ្យក្រុមហ៊ុនផលិតស្មាតហ្វូនជាច្រើននៅប្រទេសចិន អាចបង្កើតរចនារូបរាងស្មាតហ្វូនមានលក្ខណៈស្រដៀងគ្នាបានដោយគ្មានបញ្ហានោះទេ នាពេលអនាគត។ ប្រសិនបើពួកគេចង់ប្តឹងទៅលើប៉ាតង់នោះ ពួកគេត្រូវបង្ហាញនូវភាពដូចគ្នាជាច្រើនដោយមិនមែនត្រឹមតែរូបរាងរបស់ស្មាតហ្វូននោះទេ។ បើមិនដូច្នេះទេពួកគេ ត្រឹមតែទទួលបានព័ត៌មានមិនល្អត្រឡប់ទៅវិញតែប៉ុណ្ណោះ៕