ប្រសិនបើអ្នកពិនិត្យឱ្យល្អិតល្អន់ទៅលើចំណាប់អារម្មណ៍របស់សុភាពនារីទាំងឡាយអំពីស្មាតហ្វូនដែលស្រស់ស្អាតនោះ លោកអ្នកប្រហែលជាធ្លាប់លឺអំពីស្មាតហ្វូនម៉ាក SUGAR ដែលជាផលិតផលរបស់ប្រទេសបារាំងជាក់ជាមិនខាន។ ស្មាតហ្វូនរបស់ក្រុមហ៊ុន SUGAR នេះ មានរូបរាងស្រស់ស្អាត និងទាក់ទាញបំផុតជាមួយនឹងត្បូង SWAROVSKI ភ្លឺចែងចាំងដែលទាក់ចិត្តសុភាពនារីទាំងឡាយឱ្យងាកមកចាប់អារម្មណ៍ទៅលើស្មាតហ្វូននេះ។
នៅថ្ងៃនេះ ក្រុមហ៊ុន SUGAR ប្រកាសបង្ហាញស្មាតហ្វូនស៊េរីថ្មីចុងក្រោយ SUGAR S9 ពណ៌ផ្កាឈូកដ៏ស្រស់ស្អាត បន្ទាប់មកក្រុមហ៊ុនក៏បង្ហាញស្មាតហ្វូន S9 ពណ៌ខ្មៅ និងចុងក្រោយនេះក្រុមហ៊ុន SUGAR បង្ហាញស្មាតហ្វូន S9 ជាមួយនឹងពណ៌ខៀវដ៏ស្រស់ស្អាតបំផុត។ នេះគឺជាលើកទីមួយហើយដែលក្រុមហ៊ុន SUGAR បង្ហាញនូវស្មាតហ្វូនស៊េរីថ្មីនេះពណ៌ខ្មៅ ហើបន្ទាប់មកពណ៌ខៀវដែលមានន័យថាស្មាតហ្វូននេះ អាចប្រើប្រាស់បានទាំងប្រុស និងស្រីដោយគ្មានភាពខ្មាស់អៀននោះទេ។ ស្មាតហ្វូនស៊េរីថ្មីនេះ មានភាពស្រស់ស្អាត ទាក់ទាញ ហើយវាមានកញ្ចក់នៅផ្នែកខាងក្រោយ។ ស្មាតហ្វូននេះងាយស្រួលកាន់នៅក្នុងដៃ និងផ្តល់អារម្មណ៍ផាសុកភាពជានិច្ចសម្រាប់អ្នកប្រើប្រាស់។
ស្មាតហ្វូនជាច្រើនរបស់ក្រុមហ៊ុន SUGAR ប្រើប្រាស់ត្បូងដ៏ស្រស់ស្អាត SWAROVSKI ZIRCONIA ។ ត្បូងនេះ ក៏ប្រើប្រាស់នៅលើស្មាតហ្វូនស៊េរីថ្មី SUGAR S9 ផងដែរ។ នៅផ្នែកខាងលើនៃស្មាតហ្វូនស៊េរីថ្មីនេះ ប្រើប្រាស់ត្បូងនេះចំនួន 10 គ្រាប់ ហើយនៅចំហៀងដែលជា Shortcut Keys ក៏ប្រើប្រាស់ត្បូង SWAROVSKI ZIRCONIA ដូចគ្នាផងដែរ។ ចំណែកជើងចាក់ស៊ីមកាត និង microSD វិញត្រូវរចនាឡើងយ៉ាងស្រស់ស្អាតជាមួយនឹងប៉ម Paris Tower ដែលបង្ហាញពីម៉ាកយីហោរបស់ស្មាតហ្វូននេះនៅក្នុងប្រទេសបារាំង។
បើនិយាយពីប្រព័ន្ធកាមេរ៉ាវិញ ស្មាតហ្វូន SUGAR S9 អាចថតរូបជាមួយនឹងពណ៌រហូតទៅដល់ 16 លានភិចសែលកម្រិត 1080p Full HD សម្រាប់រូបភាព និងវីដេអូ។ កាមេរ៉ារបស់វាអាចប្រើប្រាស់នូវ 64 លានភិចសែលធ្វើឱ្យគុណភាពរូបភាពច្បាស់ និងស្រស់ស្អាតជាទីបំផុត។ អ្វីដែលសំខាន់ និងគួរឱ្យកត់សម្គាល់នោះគឺថា ការប្រើប្រាស់ 64 លានភិចសែល និងការថតរូបកម្រិត 16 លានពណ៌ពិតជាធ្វើឱ្យរូបភាពម៉ត់ច្បាស់ស្រស់ស្អាតគ្មានពីរនោះទេ។ ស្មាតហ្វូន SUGAR S9 នេះអាចថតរូបបានច្បាស់ល្អ និងចំណាយពេលវេលាចាប់រូបភាពបានលឿនបំផុតដែលលោកអ្នកនឹកស្មានមិនដល់នៅក្នុងកម្រិត Ultra-High Pixel ។
ស្មាតហ្វូន SUGAR S9 មានអេក្រង់ទំហំ 5.5 អ៊ីងជាមួយអេក្រង់កម្រិតភាពច្បាស់ 1080p OLED Screen ដែលបង្ហាញនូវតួរអក្សរច្បាស់ និងរូបភាពម៉ត់ស្រស់ស្អាតបំផុត។ ស្មាតហ្វូននេះ មានអេក្រង់ធំដែលងាយស្រួលក្នុងការមើល ឬការអាននាៗដែលមិនធ្វើឱ្យអ្នកប្រើប្រាស់មានអារម្មណ៍ធុញទ្រាន់ ឬរោយភ្នែកនោះទេ។ នេះគឺដោយ សារតែស្មាតហ្វូនស៊េរីថ្មីនេះ ប្រើប្រាស់អេក្រង់ OLED Screen ដែលធ្វើឱ្យលោកអ្នកមើលរូបភាព វីដេអូបានច្បាស់ត្រជាក់ភ្នែកជាទីបំផុត។
ស្មាតហ្វូនស៊េរីថ្មី SUGAR S9 នេះប្រើប្រាស់អង្គប្រតិបត្តិការ Qualcomm Snapdragon 430 ល្បឿន 1.4GHz ដែលមាន CPU ចំនួន 8 Cores រួមជាមួយ Adreno 505 រ៉េមផ្ទុកទិន្នន័យបណ្តោះអាសន្នទំហំ 4GB ម៉េមូរីក្នុងម៉ាស៊ីនទំហំ 64GB/128GB និង microSD កាតថែមទៀត។ ស្មាតហ្វូននេះពិតជាមានភាពងាយស្រួលក្នុងការប្រើប្រាស់សម្រាប់កម្មវិធីកម្សាន្ត និងជាច្រើនទៀតដូចជា Internet, WhatsApp, Facebook និងការលេងហ្គេមធំៗដោយគ្មានបញ្ហាអ្វីនោះទេ។
សរុបមក ស្មាតហ្វូន SUGAR S9 នេះពិតជាដំណើរការបានយ៉ាងល្អ និងមានរូបរាងស្រស់ស្អាតគួរឱ្យចង់ប្រើប្រាស់ជាទីបំផុត។ វាជាស្មាតហ្វូនស៊េរីថ្មីចុងក្រោយដែលបំពាក់នូវអេក្រង់ OLED និង Hardware ពោរពេញដោយសមត្ថភាព និងប្រើប្រាស់ត្បូង SWAROVSKIដ៏ស្រស់ស្អាតថែមទៀត៕
ស្មាតហ្វូន Sugar S9 នឹងមកដល់កម្ពុជា ក្នុងពេលឆាប់ៗនេះ!