នៅក្នុងខណៈពេលនេះ យើងប្រហែលជារង់ចាំវត្តមាន និងព័ត៌មានអំពីលក្ខណៈសម្បត្តិជាផ្លូវការរបស់ស្មាតហ្វូន Galaxy S8 និង Galaxy S8+ ។ នៅថ្ងៃនេះ ព័ត៌មានអំពីលក្ខណៈសម្បត្តិរបស់ស្មាតហ្វូនស៊េរីថ្មីទាំងនេះត្រូវបានទម្លាយនៅក្នុងប្រព័ន្ធ Database របស់គេហទំព័រ AnTuTu ។
ម៉ូដែលភ្ជាប់ជាមួយលេខកូដ SM-G950F របស់ស្មាតហ្វូន Galaxy S8 ប្រើប្រាស់បន្ទះឈីបប្រភេទ Exynos 8895 (សម្រាប់ការលក់លក្ខណៈអន្តរជាតិ) ខណៈពេលដែលម៉ូដែល G950U ប្រើប្រាស់បន្ទះឈីប Snapdragon 835 ត្រូវគេដឹងថាដាក់លក់នៅសហរដ្ឋអាមេរិកចែកចាយដោយក្រុមហ៊ុន AT&T ឬ Verizon ។ ចំនែកម៉ូដែល SM-G955F និង 955U វិញតំណាងឱ្យស្មាតហ្វូន Galaxy S8+ សម្រាប់ចែកចាយលក្ខណៈអន្តរជាតិ និងសម្រាប់ដាក់លក់នៅទឹកដីសហរដ្ឋអាមេរិក។
អ្វីដែលយើងបានដឹងអំពីលក្ខណៈសម្បត្តិទម្លាយដោយគេហទំព័រ AnTuTu នោះគឺថា ស្មាតហ្វូនស៊េរីថ្មីនេះនឹងភ្ជាប់ជាមួយកាមេរ៉ាមុខទំហំ 8 MP ខណៈពេលស្មាតហ្វូនជំនាន់មុនប្រើប្រាស់កាមេរ៉ាមុខត្រឹមតែ 5MP តែប៉ុណ្ណោះ ហើយជាពិសេសស្មាតហ្វូនស៊េរីថ្មីនេះថែមទាំងពង្រឹងទៅលើប្រព័ន្ធ Autofocus Selfies Snapper ផងដែរ។ ស្មាតហ្វូននេះប្រើប្រាស់ម៉េមូរីក្នុងម៉ាស៊ីនទំហំ 64GB ហើយកម្រិតភាពច្បាស់នៃអេក្រង់របស់វាអាចមានកម្រិតដល់ទៅ 1080x1920 ឬ 1080 x 2220 ដូចនេះកម្រិត Full HD នឹងប្រើប្រាស់ជា default mode ។
ដូចលោកអ្នកបានឃើញស្រាប់អំពីរូបរាងរបស់ស្មាតហ្វូន Galaxy S8+ ភ្ជាប់មកជាមួយនឹងស្មាតហ្វូន Galaxy S7 Edge ដែលមានទំហំតូចជាងបន្តិចតែប៉ុណ្ណោះ។ ស្មាតហ្វូននេះមានភាពងាយស្រួលក្នុងការប្រើប្រាស់ដោយសារតែបច្ចេកវិទ្យាដ៏អស្ចារ្យរបស់វា ហើយវាសមល្មមនៅពេលដែលកាន់នៅក្នុងដៃថែមទៀត។ គួរបញ្ជាក់ផងដែរថា អេក្រង់របស់ស្មាតហ្វូន Galaxy S8 មានទំហំ 6.2 អ៊ីងដែលមានឈ្មោះថា Infinity Display ៕
