នៅសល់រយៈពេលត្រឹមតែ 1 ថ្ងៃទៀតប៉ុណ្ណោះ ក្រុមហ៊ុន Samsung នឹងសម្ពោធស្មាតហ្វូនស៊េរីថ្មី Samsung Galaxy S8 និង Galaxy S8+ ប៉ុន្តែលក្ខណៈសម្បត្តិរបស់វានៅមិនទាន់បែកធ្លាយឱ្យប្រាកដនៅឡើយនោះទេ។ អ្វីដែលយើងបានដឹងនៅពេលនេះ គឺប្រព័ន្ធកាមេរ៉ារបស់ Samsung Galaxy S8 គឺមានទំហំ 12MP តែមួយប៉ុណ្ណោះមិនមែនជាប្រភេទកាមេរ៉ាភ្លោះនោះទេ។ ពាក្យចចាមអារ៉ាមចុងក្រោយបំផុតបង្ហាញថា ស្មាតហ្វូនស៊េរីថ្មី Samsung Galaxy S8 និង Galaxy S8+ ប្រើប្រាស់សែនស័រកាមេរ៉ាថ្មី Sony IMX333 sensor ។
ស្មាតហ្វូន Samsung Galaxy S8 នឹងប្រើប្រាស់មុខងារ Quick Launch អនុញ្ញាតឱ្យលោកអ្នកបើកកាមេរ៉ាបានលឿននៅពេលដែលទូរស័ព្ទជាប់សោរ។ ក្រុមហ៊ុន Samsung ត្រូវគេរាយការណ៍ថាមុខងារមួយនេះត្រូវផ្លាស់ប្តូរទៅដាក់នៅលើប៊ូតុង Power នៅផ្នែកចំហៀងវិញ។ នេះជាព័ត៌មានដែលយើងបានដឹងអំពីប្រព័ន្ធកាមេរ៉ានៅណៈពេលនេះ។ ពាក្យចចាមអារ៉ាមថ្មីៗនេះ បង្ហាញទៀតថា ស្មាតហ្វូនស៊េរីថ្មី Samsung Galaxy S8 អាចថតវីដេអូក្នុងកម្រិត 1000fps super slow-mo ដូចទៅនឹងស្មាតហ្វូនស៊េរីថ្មី Sony Xperia XZ Premium ផងដែរ ប៉ុន្តែយើងនៅមិនទាន់បានដឹងអំពីលក្ខណៈសម្បត្តិនៃប្រព័ន្ធកាមេរ៉ាក្រៅពីនេះនោះទេ៕