ស្មាតហ្វូនស៊េរីថ្មី Galaxy S8 និង Galaxy S8+ របស់ក្រុមហ៊ុនបច្ចេកវិទ្យាយក្ស Samsung កំពុងតែមានការចាប់អារម្មណ៍យ៉ាងយ៉ាងខ្លាំងទៅលើបច្ចេកវិទ្យាថ្មីៗរបស់វា ហើយមកទល់ពេលនេះវាមានព័ត៌មានបែកធ្លាយ (វីដេអូ) និងពាក្យចចាមអារ៉ាមជាច្រើនអំពីលក្ខណៈសម្បត្តិរបស់ស់ស្មាតហ្វូនមួយនេះនៅលើអ៊ីនធើណិត និងបណ្តាញសង្គម។ ដូចនេះ វាមិនមានអ្វីដែលគួរឱ្យភ្ញាក់ផ្អើលនោះទេដែលក្រុមហ៊ុនបច្ចេកវិទ្យា Samsung ដាក់សេចក្តីជឿជាក់យ៉ាងខ្លាំងទៅលើផលិតផលស្មាតហ្វូនស៊េរីថ្មីរបស់ខ្លួនសម្រាប់ការបញ្ជាកម្មង់ទិញមុនដ៏ច្រើនសន្ធឹកសន្ធាប់នោះ ហើយគេរំពឹងថាការកម្មង់ទិញមុននៃការលក់ស្មាតហ្វូនស៊េរីថ្មីនេះនឹងមានចំនួនច្រើនជាងព្រឹត្តិការណ៍ដាក់លក់ដំបូងរបស់ហ្វាប់ប្លេត Galaxy Note 7 ជាក់ជាមិនខាន។
ក្រុមហ៊ុនបច្ចេកវិទ្យា Samsung មានគម្រោងជាច្រើនក្នុងការតម្លើងនូវហាងលក់ចំនួន 3000 កន្លែងដើម្បីធ្វើតេស្តទៅលើបទពិសោធន៍នៃបច្ចេកវិទ្យាអេក្រង់ថ្មីរបស់ Samsung នៅក្នុងព្រឹត្តិការណ៍ជាច្រើននៅទីក្រុងឡុងដ៏ និងទីក្រុងញ៉ូវយ៉កបន្ទាប់ពីស្មាតហ្វូននេះប្រកាសសម្ភោធន៍ជាផ្លូវការនៅថ្ងៃទី 29 ខែមីនាខាងមុខនេះ។ ការកម្មង់ទិញមុនស្មាតហ្វូនទាំងពីរស៊េរីនេះនឹងចាប់ផ្តើមពីថ្ងៃទី 7 ខែមេសាដល់ថ្ងៃទី 17 ខែមេសា ហើយស្មាតហ្វូននេះនឹងចាប់ផ្តើមដឹកជញ្ជូនមុនពេលការដាក់លក់ជាផ្លូវការនៅថ្ងៃទី 28 ខែមេសា។
ព្រឹត្តិការណ៍នៃការសម្ភោធន៍ហ្វាប់ប្លេត Galaxy Note 7 កាលពីឆ្នាំមុននេះធ្លាប់បានទទួលជោគជ័យយ៉ាងខ្លាំងក្លាសម្រាប់ក្រុមហ៊ុន ប៉ុន្តែក្រោយមកវាបែរជាមានបញ្ហាទៅវិញ។ នៅក្នុងការកម្មង់ទិញស្មាតហ្វូនស៊េរីថ្មីនេះ ក្រុមហ៊ុនបានរៀបចំនូវស្មាតហ្វូនដល់ទៅ 400,000 គ្រឿងសម្រាប់ត្រៀមនៅថ្ងៃប្រកាសសម្ភោធន៍នេះ។ ព្រឹត្តិការណ៍នៃការសម្ភោធន៍ជាផ្លូវការសម្រាប់ស្មាតហ្វូនស៊េរីថ្មីទាំង 2 នេះមានការផ្សព្វផ្សាយយ៉ាងខ្លាំងក្លានៅលើទូរទស្សន៍ និងអ៊ីនធើណិតហើយក៏មានការចែកចាយនូនូវរូបភាពផ្សព្វផ្សាយ Teaser ថ្មីផងដែរ៕
ប្រភព៖ http:/www.phonearena.com/news/Galaxy-S8-pre-orders-will-start-shipping-more-than-a-week-before-the-official-release-date_id92229
