ក្រុមហ៊ុនផលិតកាមេរ៉ាថតរូបដ៏ល្បីល្បាញ GoPro បានបោះជំហានក្នុងទីផ្សារផលិតយន្តហោះគ្មានមនុស្សបើក ឬហៅថា “Drone” ជាលើដំបូងរបស់ខ្លួនកាលពីឆ្នាំ 2016។ យន្តហោះដ្រូនដំបូងរបស់ក្រុមហ៊ុនមួយនេះគឺម៉ូដែល GoPro Karma Drone ដែលបានប្រកាសចេញជាផ្លូវការណ៍កាលពីខែកញ្ញាឆ្នាំ 2016 ដោយទទួលបានការផ្លែផ្កាល្អក្នុងទីផ្សារគ្រាន់បើដែរដោយទទួលបានការបញ្ចាទិញក្នុងចំនួនដ៏ច្រើនបំផុត។
ប៉ុន្តែជាអកុសលក្រោយពីការចេញលក់ជាផ្លូវការណ៍បានមួយរយះក្រុមហ៊ុនក៏បានប្រកាសប្រមូលយន្តហោះប្រភេទនេះរបស់ខ្លួនមកវិញក្នុងចំនួន 2,500 គ្រឿងដោយសារតែវាមានកំហុសបច្ចេកទេសលើថាមពលថ្មរបស់វាមិនអាចគាំទ្រការហោះហើរបានយូរ។ ដោយឡែលកាលពីដើមខែកុម្ភះ ឆ្នាំ 2017 នេះ GoPro បានប្រកាសចេញលក់ Karma Drone របស់ខ្លួនជាថ្មីម្តងទៀតក្រោយពីបានកែសម្រួលនូវបញ្ហាថ្មរបស់វារួចរាល់។
ឥលូវនេះ GoPro បានប្រកាសចេញលក់ឧបករណ៍នេះជាថ្មីម្តងទៀតក្នុងទីផ្សារបណ្តាលប្រទេសក្នុងទ្វីបអឺរ៉ុប ដែលវាមានលក់យ៉ាងពិសេសសម្រាប់ទីផ្សារក្នុងប្រទេសមួយចំនួនដែលមានដូចជា ប្រទេសអេស្ប៉ាញ់ អ៊ីតាលី អាល្លឺម្ម៉ង់ បារាំង និងចក្រភពអង់គ្លេស។ អតិថិតជនក្នុងបណ្តាលប្រទេសទាំងអស់នេះអាចរកជាវយន្តហោះ Karma Drone បានតាមរយះបណ្តាញវ៉ិបសាយផ្ទាល់របស់ GoPro និងតាមបណ្តាញតំណាងចែកចាយបន្តមួយចំនួនទៀត។ សម្រាប់តម្លៃរបស់វាគឺ GoPro Karma Drone ដែលភ្ជាប់ដោយកាមេរ៉ាស៊េរី GoPro HERO5 ដែលមានពណ៌ខ្មៅគឺមានតម្លៃប្រមាណ €1,399.99 ខណះដែរ Karma drone ដែលបំពាក់កាមេរ៉ា GoPro ស៊េរីផ្សេងមានតម្លៃធូរថ្លៃជាងត្រឹមតែប្រមាណ €999.99 ប៉ុណ្ណោះ៕
