ថ្មីៗនេះ ក្រុមហ៊ុន Facebook បង្ហាញអំពីមុខងារថ្មីមួយទៀតសម្រាប់កម្មវិធី Facebook Messenger របស់ខ្លួននៅថ្ងៃចន្ទនេះ ដែលផ្តល់ភាពងាយស្រួលក្នុងការបង្កើតផែនការជាច្រើនជាមួយ នឹងមិត្តភក្តិ។ នៅក្នុងកម្មវិធី Messenger ឥឡូវនេះ លោកអ្នក អាចចែករំលែកនូវទីតាំងរបស់អ្នកជាមួយមិត្តភកិ្តបានយ៉ាងងាយស្រួលជាមួយមុខងារ Live Location ។ ប្រព័ន្ធមុខងារតាម ដានផ្ទាល់អំពីទីតាំងអាចដំណើរការបានរយៈពេល 60 នាទី ហើយវាអាចប៉ាន់ប្រមាណថា តើរយៈពេលយូរប៉ុណ្ណាដែលអ្នកត្រូវចំណាយពេលទៅកាន់ទីតាំងមួយនេះតាមរយៈរថយន្តថែមទៀត ផង។ នៅក្នុងការបង្ហោះនៅក្នុងប្លុកមួយ ក្រុមហ៊ុន Facebook រកឃើញថាមុខងារនេះពិតជាមានសារៈសំខាន់ខ្លាំងណាស់សម្រាប់ស្ថានភាពខុសៗគ្នាជាច្រើន។
ក្រុមហ៊ុន Facebook និយាយថា “យើងធ្វើតេស្តមុខងារនេះមួយរយៈពេលដែរ ហើយមនុស្សជាច្រើនប្រាប់យើងថាមុខងារ Live Location នេះពិតជាមានប្រយោជន៍នៅពេលដែលពួកគេត្រូវការណាត់ជួបជាមួយមិត្តភកិ្ត និងប្រាប់ពួកគេអំពីចំងាយដែលកំពុងស្ថិតនៅក្នុងពេលដែលអ្នកកំពុងតែធ្វើដំណើរទៅប្រជុំ ឬចែករំលែកទៅកាន់មិត្តភកិ្តរួមបន្ទប់របស់អ្នកនៅពេលដែលអ្នកធ្វើដំណើរទៅផ្ទះនៅពេលយប់។” មុខងារថ្មីនេះមិនមែនជាប្រព័ន្ធទីតាំងដំបូងរបស់ក្រុមហ៊ុន Facebook នោះទេ ព្រោះថាកម្មវិធី Messenger មានប្រើប្រាស់មុខងារចែករំលែកទីតាំងរបស់ខ្លួនរួចមកហើយ៕
