បន្ទាប់ពីហ្វាប់ប្លេត Galaxy Note 7 ទទួលរងភាពបរាជ័យរួចមក វាហាក់ដូចជាកេរ្តិ៍ឈ្មោះរបស់ក្រុមហ៊ុនបច្ចេកវិទ្យា Samsung នៅតែរក្សាបានយ៉ាងល្អ ហើយក្រុមហ៊ុនមួយនេះក៏ប្រកាសពីប្រាក់ចំណេញរបស់ខ្លួននៅក្នុងឆ្នាំ 2016 ខ្ពស់ជាងប្រាក់ចំណូលកាលពីឆ្នាំមុន។ ទោះជាយ៉ាងណាក៏ដោយ ក្រុមអ្នកវិភាគនៅក្រុមហ៊ុន Hana Financial Investment បានរកឃើញអំពីការខូចខាតពិតប្រាកដនៅក្នុងរឿងនេះ។
ប្រាក់ចំណេញសរុបសម្រាប់ស្មាតហ្វូនស៊េរី High-End ត្រកូល Galaxy S និង Galaxy Note នៅមិនទាន់ធ្លាក់ចុះនៅឡើយទេគឺ 29% ។ នេះគឺជាលើកទីមួយហើយចំនួននេះធ្លាក់ចុះក្រោម 30% ដែលចំនួននេះទាបជាង 40% នៅក្នុងឆ្នាំ 2015 ។ ការធ្លាក់ចុះនេះចាប់ផ្តើមពីមានវត្តមានរបស់ហ្វាប់ប្លេត Galaxy Note 7។ ប្រាក់ចំណេញនៃស្មាតហ្វូនស៊េរីថ្មីនេះកើនឡើងនៅចំណុចកំពូលរហូតដល់ទៅ 75% នៅក្នុងត្រីមាសទី 2 ក្នុងឆ្នាំ 2013 នៅពេលដែលស្មាតហ្វូន Galaxy S4 មានការពេញនិយមខ្លាំង។ ក្រោយមក ប្រាក់ចំណេញរបស់ស្មាតហ្វូនថ្នាក់កណ្តាល និងកម្រិតខ្ពស់បន្តកើនឡើងកាន់តែច្រើនរហូតមកដល់ពេលបច្ចុប្បន្ននេះ។
ស្មាតហ្វូនស៊េរីថ្មី Galaxy S8 នឹងបង្ហាញខ្លួនជាផ្លូវការនៅក្នុងព្រឹត្តិការណ៍ Samsung Unpacked របស់ខ្លួននៅថ្ងៃពុធស្អែកនេះ ហើយហ្វាប់ប្លេត Galaxy Note 8 ក៏អាចនឹងបង្ហាញខ្លួននាពេលក្រោយផងដែរ។ ប៉ុន្តែអ្វីដែលគួរអោយចាប់អារម្មណ៍នោះគឺថា ការលក់ចេញស្មាតហ្វូនថ្នាក់កណ្តាល និងថ្នាក់ទាបដូចជាស៊េរី A, C និង J របស់ក្រុមហ៊ុន Samsung ក៏មានប្រាក់ចំណេញកើនឡើងផងដែរ នេះបើតាមការបញ្ជាក់របស់ក្រុមអ្នកវិភាគខាងលើ៕
