តើអ្នកដឹងទេថា ឆ្នាំនេះ ត្រូវនឹងពណ៌អ្វី? បើតាមវិទ្យាស្ថានជំនាញផ្នែកពណ៌ដ៏ល្បីល្បាញក្នុងពិភពលោកឈ្មោះថា “Pantone Color Institute” បានឲ្យដឹងថា ឆ្នាំ 2017 នេះគឺស័ក្តិសមបំផុតជាមួយនឹងពណ៌បៃតង “Greenery”។ ដោយជារៀងរាល់ឆ្នាំ Pantone បានជ្រើសរើសពណ៌ដែលឆ្លុះបញ្ចាំងពីអ្វីដែលកំពុងកើតមានឡើងនៅក្នុងពិភពលោក។ ពណ៌ដែលបានជ្រើសរើសដោយ Pantone ក្នុងមួយឆ្នាំៗត្រូវបានគេយកទៅប្រើប្រាស់ក្នុងការបង្កើតលម្អការរចនា តុបតែងផ្នែកខាងក្នុង លើម្ហូបអាហារ និងការធ្វើដំណើរ និងសម្រាប់បង្កើតលើការរចនាម៉ូដសម្រាប់ផលិតផលទាន់សម័យជាដើម។
ឆ្នាំនេះ ពណ៌បៃតងគឺជាពណ៌ដែលឆ្លុះបញ្ចាំងពីការផ្សាភ្ជាប់រវាងមនុស្សជាតិជាមួយនឹងធម្មជាតិដែលកំពុងតែចាប់ផ្តើមនូវភាពស្រស់បំព្រងសារជាថ្មីម្តងទៀត។ ពណ៌បៃតងបានបង្ហាញពីភាពស្រស់បំព្រងនៃធម្មជាតិដែលដក់ដាំក្នុងចិត្តនៃអ្នកគ្រប់គ្នា និងបង្ហាញពីកំណើនជីវិតដ៏រស់រវើកសម្រាប់និទាឃរដូវឆ្នាំនេះ។
នៅក្នុងឆ្នាំ 2017 នេះក្រុមហ៊ុន Huawei ដែលជាក្រុមហ៊ុនដ៏ល្បីល្បាញមួយក្នុងការផ្គត់ផ្គង់ទូរស័ព្ទស្មាតហ្វូនជ្រោកក្រោមស្លាកសញ្ញា “HUAWEI” បានចាំផ្តើមក្នុងការផលិតស្មាតហ្វូនលំដាប់កំពូលរបស់ខ្លួនដោយបានចាប់ដៃគូជាមួយវិទ្យាស្ថាន Pantone កាលពីប៉ុន្មានខែមុននេះដើម្បីធ្វើការសិក្សាក្នុងការផលិតចេញស្មាតហ្វូនដែលមានពណ៌ទាក់ទាញជាច្រើន។ ជាលទ្ធផលក្រោយពីការចាប់ដៃគូសហការគ្នារួចមកឥលូវនេះក្រុមហ៊ុន Huawei បានដាក់បង្ហាញចេញស្មាតហ្វូនដែលមានពណ៌ថ្មីគឺពណ៌បៃតងយ៉ាងស្រស់ស្អាតទាក់ទាញបំផុត “Special Color Edition”។
ក្រៅតែពី Huawei P10 និងP10 Plus ដែលមានពណ៌បៃតងស្រស់ក្រុមហ៊ុន Huawei និង Pantone ក៏បង្ហាញចេញពណ៌ខៀវ “Dazzling Blue” មួយទៀតដែលជាពណ៌ដ៏ទាក់ទាញផងដែរ។ សម្រាប់ទូរស័ព្ទ Huawei P10 និង P10 Plus គឺមានពណ៌រហូតដល់ទៅប្រាំមួយពណ៌សម្រាប់ជ្រើសរើសក្នុងនោះរួមមានពណ៌ទឹកមាស “Prestige gold” និងទឹកប្រាក់ “Mystic silver”។ Huawei P10 ដែលមានពណ៌បៃតង “Greenery” និងពណ៌ខៀវ “Dazzling Blue” គឺជាឧទាហរណ៍មួយដែលបានគួសបង្ហាញពីចំនាប់អារម្មណ៍នៃការចង់បានរបស់អ្នកប្រើប្រាស់។
ដូច្នេះក្នុងឆ្នាំ 2017 នេះម៉ាកសញ្ញាផលិតផលល្បីៗ នៅក្នុងពិភពលោក គឺបានចាប់ផ្តើមបង្ហាញចេញផលិតរបស់ខ្លួនដែលមានពណ៌ចម្រុះ ដែលផ្តល់ឲ្យអ្នកប្រើប្រាស់ធ្វើការជ្រើសរើសពណ៌ណាមួយដែលពួកគេស្រឡាញ់ចូលចិត្តបំផុត ជាមួយផលិតផលថ្មី ដែលមានការរចនាម៉ូដដ៏ទាន់សម័យ និងមានភាពទាក់ទាញបំផុតសម្រាប់ពួកគេ៕