នៅខណៈពេលនេះ យើងរំពឹងថា ក្រុមហ៊ុនបច្ចេកវិទ្យានៅកូរ៉េខាងត្បូងនេះ ពិតជាចាប់ផ្តើមគម្រោងផែនការរបស់ខ្លួនក្នុងការចែកចាយស្មាតហ្វូនត្រកូល Galaxy S8 នេះទៅកាន់ទីផ្សារជុំវិញពិភពលោក ហើយវាពិតជាបំបែកកំណត់ត្រាទីផ្សារស្មាតហ្វូនជាក់ជាមិនខាន។ ក្រឡេកទៅមើល ក្រុមហ៊ុនបច្ចេកវិទ្យា LG ក៏មិននៅស្ងៀមដែរ ពេលនេះ ក្រុមហ៊ុន LG បញ្ចេញនូវវីដេអូផ្សព្វផ្សាយពាណិជ្ជកម្មថ្មីមួយសម្រាប់ស្មាតហ្វូន LG G6 ដើម្បីជាការទាក់ទាញចំណាប់អារម្មណ៍របស់អ្នកប្រើប្រាស់ទាំងអស់មកលើបច្ចេកវិទ្យាថ្មីៗរបស់ G6។
លោកអ្នកអាចទស្សនាបានខាងក្រោមនេះ៖
វីដេអូនេះមានរយៈពេលត្រឹមតែ 30 វិនាទីប៉ុន្តែវាអាចធ្វើឱ្យអ្នកទស្សនាអាចស្គាល់កាន់តែច្បាស់អំពីស្មាតហ្វូនស៊េរីថ្មីនេះ។ វីដេអូនេះ ជាការផ្សព្វផ្សាយដំបូងបំផុតរបស់ស្មាតហ្វូនស៊េរីថ្មី LG G6 ។ យើងរំពឹងថា វីដេអូផ្សព្វផ្សាយពាណិជ្ជកម្មរបស់ស្មាតហ្វូន LG ជាច្រើនទៀត នឹងបង្ហាញខ្លួននាពេលឆាប់ៗនេះ ជាពិសេសស្មាតហ្វូន LG G6 នឹងពង្រីកការលក់របស់ខ្លួនទៅកាន់ទីផ្សារជាច្រើនទៀតផងដែរ។ ទោះជាយ៉ាងណាក៏ដោយ អ្វីដែលយើងអាចមើលឃើញនៅពេលនេះ គឺក្រុមហ៊ុន LG ប្រើប្រាស់យុទ្ធសាស្រ្តជាច្រើន ដើម្បីប្រកួតប្រជែងជាមួយស្មាតហ្វូនស៊េរីថ្មីត្រកូល Galaxy S8 របស់ក្រុមហ៊ុន Samsung ៕
