ស្មាតហ្វូនស៊េរីថ្មី Samsung Galaxy S8 និង Galaxy S8+ ទើបតែសម្ពោធជាផ្លូវការកាលពីយប់មិញនេះ ប៉ុន្តែលោកអ្នកប្រហែលជាចង់ដឹងថា តើពេលណាដែលស្មាតហ្វូននេះអាចរកកម្មង់ទិញបាន? តើស្មាតហ្វូនស៊េរីថ្មីនេះ មានតម្លៃប៉ុន្មានដែរ? ពេលនេះកាលបរិច្ឆេទ និងតម្លៃរបស់ស្មាតហ្វូនស៊េរីថ្មីនេះ បានប្រកាសបង្ហាញជាផ្លូវការហើយ។ សម្រាប់អតិថិជនដែលបានធ្វើការកម្មង់ទិញមុន ក្រុមហ៊ុន Samsung សន្យាថាការដឹកជញ្ជូន នឹងធ្វើឡើងនៅក្នុងរយៈពេលត្រឹមតែ 8 ថ្ងៃមុនការប្រកាសដាក់លក់ជាផ្លូវការនៅលើទីផ្សារពិភពលោកជាច្រើន។
- ការកម្មង់ទិញមុននៅក្រុមហ៊ុន T-Mobile អតិថិជននឹងទទួលបានឧបករណ៍ DeX Dock ដោយឥតគិតថ្លៃនៅពេលកម្មង់ទិញស្មាតហ្វូនត្រកូល Galaxy S8 ។
- ការកម្មង់ទិញមុននៅក្រុមហ៊ុន Verizon អតិថិជននឹងទទួលបាន Experience Box តម្លៃ 99 ដុល្លារ រួមជាមួយនឹងកាសស្តាប់ Harman Kardon និង microSD Card ទំហំ 256GB ។
- ការកម្មង់ទិញមុននៅក្រុមហ៊ុន EE UK អតិថិជននឹងទទួលបាន Samsung Pack តម្លៃ 98 ផោនដែលមានដូចជា wireless charger, ខ្សែ USB cable (ភ្ជាប់ពី micro ទៅកាន់ C adapter) និងប័ណ្ណតម្លៃ 20 ផោន៕
