សារព័ត៌មាន Reuters បានរាយការណ៍នៅចុងសប្តាហ៍នេះថា ការព្យាករណ៍ប្រាក់ចំណេញសម្រាប់ត្រីមាសល្អបំផុត នៅក្នុងរយៈពេល 3 ឆ្នាំទៅមុខទៀតរបស់ក្រុមហ៊ុន Samsung Electronics គឺ និងផ្តើមឡើងចាប់ខែមករា រហូតដល់ខែមីនា 2018 ខាងមុខនេះ។ ការព្យាករណ៍នេះ និងអាចធ្វើឱ្យក្រុមហ៊ុន Samsung បំបែកកំណត់ត្រានៃការលក់ប្រចាំឆ្នាំរបស់ខ្លួនវិញ ហើយនិងមានសន្ទុះងើបលឿនកាន់តែខ្លាំងបំផុត បើធៀបជាមួយនឹងរយះពេល ដែលបានចាប់ផ្តើមចេញលក់ហ្វាប់ប្លេត Galaxy Note 7 ដែលបានធ្វើអោយ Samsung ត្រូវខាតបង់ទឹកប្រាក់ 5.3 ពាន់លានដុល្លារអាមេរិច។
Reuters បញ្ជាក់ថា ការព្យាករណ៍នេះ នៅមិនទាន់រាប់បញ្ចូលទឹកប្រាក់ចំណេញដែលក្រុមហ៊ុន Samsung ទើបតែបញ្ចេញស្មាតហ្វូនស៊េរីថ្មី Samsung Galaxy S8 នៅឡើយទេ។ ក្រុមអ្នកវិភាគជាច្រើន បានរំពឹងថា ប្រាក់ចំណេញប្រចាំត្រីមាស ដែលល្អបំផុតសម្រាប់ក្រុមហ៊ុនបច្ចេកវិទ្យា Samsung គឺនៅក្នុងខែមេសា ទៅខែមិថុនា គឺចំពេលដែលស្មាតហ្វូនស៊េរីថ្មី Samsung Galaxy S8 និង Galaxy S8 Plus ដាក់លក់ជាផ្លូវការ។ ក្រុមអ្នកស្រាវជ្រាវមួយចំនួនជឿជាក់ថា ស្មាតហ្វូនស៊េរីថ្មីនេះ ពិតជាបំបែកកំណត់ត្រានៃការលក់នៅក្នុងត្រីមាសឆ្នាំនេះជាក់ជាមិនខាន។
Reuters បានបន្ថែមថា ស្មាតហ្វូន Galaxy S8 នឹងបំបែកកំណត់ត្រានៃការលក់នៅលើទីផ្សារជាច្រើននៅលើពិភពលោកនៅក្នុងឆ្នាំនេះ ដោយសារតែវាប្រើប្រាស់នូវប្រព័ន្ធជំនួយការឆ្លាតវៃ Bixby ដើម្បីប្រកួតប្រជែងជាមួយនឹងជំនួយការឆ្លាតវៃ Siri របស់ក្រុមហ៊ុនApple ។ ស្មាតហ្វូន Galaxy S8 មានស៊ុមព័ទ្ធអេក្រង់កាន់តែតូចជាងមុនជាមួយអេក្រង់ Infinity Display ។ ស្មាតហ្វូន Galaxy S8 ភ្ជាប់ជាមួយអេក្រង់គែមកោងទំហំ 5.8 អ៊ីង Quad HD ចំនែកស្មាតហ្វូន Galaxy S8 Plus វិញមានអេក្រង់ទំហំ 6.2 អ៊ីង Quad HD ៕
