វាពិតជាមានមាស ពណ៌មាស និងស្រោបដោយមាសសម្រាប់ជំនាន់ពិសេស Truly Exquisite មានន័យថាស្មាតហ្វូនស៊េរីថ្មីត្រកូល Samsung Galaxy S8 និង Galaxy S8+ ពិតជាប្រើប្រាស់មាស 24K ។ វាក៏មានពណ៌ផ្កាឈូក (Rose Gold) ដែលប្រើប្រាស់មាស 18K ជាជម្រើសប្លាទីនផងដែរ។ លោកអ្នកក៏អាចជ្រើសរើសជម្រើសថ្មីនេះសម្រាប់ពណ៌ខ្មៅ (Midnight Black) ឬពណ៌ប្រផេះ (Orchid Grey) ដោយសារតែជំនាន់ពិសេស Truly Exquisite នេះស្រោបតែស៊ុមគែមខាងក្រៅប៉ុណ្ណោះខណៈពេលដែលផ្នែកខាងមុខរបស់វាគឺនៅតែជាពណ៌ដដែលរបស់ស្មាតហ្វូន Galaxy S8 ដែលអ្នកជ្រើសរើស។
យ៉ាងណាមិញ ទូរស័ព្ទនេះមានមានតម្លៃដល់ទៅ 2250 ផោន (មិនទាន់បូកបញ្ចូលតម្លៃ VAT)។ លោកអ្នកនឹងទទួលបាននូវ Power Bank 24K Gold, សម្បក Luxury Leather, Wireless Charger Pad និង Gear VR ។ លោកអ្នកអាចជ្រើសរើសរវាងស្មាតហ្វូន Galaxy S8 និង Galaxy S8+ ប៉ុន្តែ សូមចងចាំថា ស្មាតហ្វូនស៊េរីថ្មីទាំងពីរម៉ូដែលនេះ ដំណើរការដោយបន្ទះឈីប Exynos ជាមួយរ៉េមផ្ទុកទិន្នន័យបណ្តោះអាសន្នទំហំ 4GB និងម៉េមូរីក្នុងម៉ាស៊ីនទំហំ 64GB ។ ប្រសិនបើលោកអ្នកធ្វើការកម្មង់ទិញមុននោះ វានឹងដឹកជញ្ជូនទៅឱ្យលោកអ្នករយៈពេល 3 ទៅ 4 សប្តាហ៍ទៀត បន្ទាប់ពីការដាក់លក់ស្មាតហ្វូន Galaxy S8 នៅទ្វីបអ៊ឺរ៉ុបចាប់ពីថ្ងៃទី 28 ខែមេសាខាងមុខនេះ៕