ស្មាតហ្វូនស៊េរីថ្មី Samsung Galaxy S8 និង Galaxy S8+ ដាក់អោយធ្វើការកម្មង់ទិញមុន (Pre-orders) រួចហើយនៅទឹកដីសហរដ្ឋអាមេរិចកាលពីសប្តាហ៍មុន ហើយកាលបរិច្ឆេទនៃការដាក់លក់ជាផ្លូវការគឺនៅថ្ងៃទី 21 ខែមេសាខាងមុខនេះ។ យើងធ្លាប់និយាយច្រើនរួចមកហើយអំពីលក្ខណៈសម្បត្តិ និងមុខងារថ្មីៗរបស់ស្មាតហ្វូនត្រកូល Galaxy S8 ប៉ុន្តែរឿងមួយដែលយើងមិនទាន់បានដឹងនោះគឺ Samsung Premium Care ។ Samsung Premium Care គឺជាសេវាកម្មថ្មីមួយទៀតសម្រាប់ស្មាតហ្វូនត្រកូល Galaxy S8 ស្រដៀងគ្នាទៅនឹងសេវាកម្មជាច្រើន (ដូចជាសេវាកម្ម Apple Care+) ។ Samsung Premium Care ធានាទៅលើការជួសជុលទៅលើសេវាកម្មរបស់ស្មាតហ្វូន Samsung Galaxy S8 និង Galaxy S8+ ប៉ុន្តែសេវាកម្មនេះប្រហែលជាផ្តល់ជូននូវលក្ខណៈកាន់តែពិសេសច្រើនជាងសេវាកម្មរបស់ក្រុមហ៊ុនផ្សេងៗទៀត។
សម្រាប់ការចាប់ផ្តើមដំបូងនៅក្នុងទឹកដីសហរដ្ឋអាមេរិច Samsung Premium Care រួមបញ្ចូល៖
•សេវាកម្ម In-home Onboarding Service៖ ក្រុមហ៊ុនបច្ចេកវិទ្យា Samsung សហការជាមួយនឹងក្រុមហ៊ុនបច្ចេកវិទ្យា HelloTech ដែលបញ្ជូនអ្នកជំនាញទៅកាន់ប្រទេសរបស់អ្នក ឬទៅកាន់ហាងកាហ្វេដែលអ្នកកំពុងតែស្ថិតនៅដើម្បីឆ្លើយសំណួរទាំងអស់របស់អ្នក ការជួយលោកអ្នកប្រើប្រាស់ស្មាតហ្វូនស៊េរីថ្មីនេះ និងការបង្ហាញអំពីសមត្ថភាពដែលស្មាតហ្វូននេះអាចធ្វើបាន។ វាពិតជាអស្ចារ្យមែនទែនសម្រាប់លោកអ្នកដែលមិនសូវតាមដានអំពីបច្ចេកវិទ្យាថ្មីៗរបស់ស្មាតហ្វូន។ សេវាកម្ម Onboarding service គឺឥតគិតថ្លៃសម្រាប់ Premium Care បានតែម្តងប៉ុណ្ណោះនៅក្នុងរយៈពេលមួយខែ។
•ការគ្របដណ្តប់ទៅលើគ្រោះថ្នាក់ដែលកើតឡើងដោយចៃដន្យ (ធ្លាក់ ឬបែកអេក្រង់) និងបញ្ហាមេកានិច ឬបញ្ហាភ្លើងបន្ទាប់ពីផុតការធានាក៏ដោយ
•ការផ្លាស់ប្តូរស្មាតហ្វូនថ្មី៖ ប្រសិនបើស្មាតហ្វូន Samsung Galaxy S8 និង Galaxy S8+ មានបញ្ហាខូចនោះ អ្នកនឹងទទូលបានស្មាតហ្វូនថ្មីដែលមានសមត្ថភាពយកទៅប្រើប្រាស់បណ្តោះអាសន្នសិន។ ប្រសិនបើស្មាតហ្វូន Original របស់អ្នកមិនអាចជួសជុលបាននោះ អ្នកអាចយកវាមកដូរយកថ្មីបាន (ការដូរបាន ៣ ដងក្នុងមួយឆ្នាំ) ។ សម្រាប់ស្មាតហ្វូនដែលខូចនោះ ក្រុមហ៊ុន Samsung នឹងកាត់ថ្លៃចំនួន 99 ដុល្លារ។
•ការចូលទៅដំណើរការសេវាកម្មអតិថិជន (តាមទូរស័ព្ទ) 7 ថ្ងៃក្នុងមួយសប្តាហ៍។
ជាធម្មតា Samsung Premium Care មានតម្លៃ 11.99 ដុល្លារក្នុងមួយខែ ប៉ុន្តែអតិថិជនដែលបានទិញស្មាតហ្វូន Samsung Galaxy S8 និង Galaxy S8+ នឹងទទួលបានការប្រើប្រាស់ដោយឥតគិតថ្លៃរយៈពេល 30 ថ្ងៃ។ វាពិតជារឿងមួយដ៏ល្អដែលអ្នកអាចប្រើប្រាស់បានដោយឥតគិតថ្លៃ (សាកល្បងសិន មុនការសម្រេចចិត្តប្រើប្រាស់ប្រចាំខែ)។ ប្រសិនបើអ្នកសម្រេចចិត្តប្រើប្រាស់សេវាកម្ម Premium Care បន្ទាប់ពីរយៈពេលមួយខែឥតគិតថ្លៃនោះ អ្នកអាចធ្វើការបញ្ឈប់ការប្រើប្រាស់សេវាកម្មនេះបានវិញពេលណាក៏បានដែរ។ ប្រសិនបើអ្នកមានគម្រោងក្នុងការទិញយកស្មាតហ្វូន Galaxy S8 ពិតមែននោះ អ្នកប្រាកដជាមានហេតុផលជាច្រើនក្នុងការប្រើប្រាស់សេវាកម្ម Premium Care ។
ក្រុមហ៊ុន Samsung បញ្ជាក់ថា សេវាកម្ម Premium Care គឺផ្តាច់មុខរបស់ស្មាតហ្វូន Samsung Galaxy S8 និង Galaxy S8+ ប៉ុន្តែយើងជឿជាក់ថា អតិថិជនរបស់ហ្វាប់ប្លេត Galaxy Note 8 ក៏អាចប្រើប្រាស់សេវាកម្មនេះបានផងដែរ៕