CANON គឺជាក្រុមហ៊ុនបច្ចេកវិទ្យាល្បីល្បាញបំផុតមួយផ្នែកថតរូបធំបំផុត ប៉ុន្តែពេលនេះ ក្រុមហ៊ុនជប៉ុនមួយនេះ ហាក់ដូចជាចង់ងាកចេញទៅប្រឡូកនៅក្នុងវិស័យថតរូបនៅលើអាកាសវិញម្តង។ ការផ្លាស់ប្តូររបត់អាជីវកម្មថ្មីមួយទៀតនេះពិតជាមានតម្លៃថ្លៃខ្លាំងណាស់ជាមួយនឹងយន្តហោះគ្មានមនុស្សបើក PD6E2000-AW-CJ1 six-rotor drone ត្រូវបានរចនាយ៉ាងពិសេសភ្ជាប់ជាមួយនឹងកាមេរ៉ាកម្រិតខ្ពស់ ME20F-SH តួនាទីសម្រាប់រុករក និងជួយសង្គ្រោះនៅក្នុងស្ថានភាពជាច្រើន។
យន្តហោះគ្មានមនុស្សបើកនេះមិនមានលក្ខណៈខុសគ្នាខ្លាំងពីម៉ូដែល M600 system របស់ក្រុមហ៊ុន DJI នោះទេ ប៉ុន្តែវាគ្រាន់តែផ្តល់ជូននូវការថតដ៏អស្ចារ្យកម្រិត ISO 4 លានដែលធ្វើឱ្យកាមេរ៉ា ME20F-SH ល្អបំផុតសម្រាប់ការផ្តិតយករូបភាពនៅទីងងឹត។ យន្តហោះ Drone ថ្មីនេះភ្ជាប់ជាមួយនឹងងារការពារអាកាសធាតុគ្រប់កាលៈទេសៈ ហើយវាមានជើងទម្ររពីរដែលអាចផ្ទុកទំនិញទម្ងន់ដល់ទៅ 10 គីឡូក្រាម ប៉ុន្តែកន្លែងនេះគឺប្រើប្រាស់សម្រាប់ដាក់កាមេរ៉ាតែប៉ុណ្ណោះ។ តាមពាក្យចចាមអារ៉ាមជាច្រើននិយាយថា យន្តហោះ Drone នេះមានតម្លៃប្រហែលជា 20,000 ដុល្លារអាមេរិចដោយមិនទាន់រាប់បញ្ចូលតម្លៃកាមេរ៉ានៅឡើយទេ។
ប្រសិនបើតម្លៃលក់ថ្លៃបែបនេះមែន យន្តហោះ Drone របស់ក្រុមហ៊ុន Canon នេះប្រហែលជាមិនសូវមានអ្នកប្រើប្រាស់ច្រើននោះទេ។ បើធៀបជាមួយនឹងយន្តហោះ M600 របស់ក្រុមហ៊ុន DJI មានតម្លៃត្រឹមតែ 4,599 តែប៉ុណ្ណោះ។ គួរបញ្ជាក់ផងដែរថា យន្តហោះ Drone M200 platform នេះនឹងបង្ហាញខ្លួននាពេលណាមួយក្នុងត្រីមាសនេះជាក់ជាមិនខាន៕