កាលពីខែមុន ក្រុមហ៊ុន Samsung ប្រកាសបង្ហាញនូវកាមេរ៉ា Gear 360 ថ្មីជាមួយនឹងស្មាតហ្វូនត្រកូល Galaxy S8 ។ ពេលនេះ ក្រុមហ៊ុន Samsung បានចាប់ផ្តើមបញ្ចេញនូវកម្មវិធីថ្មីសម្រាប់បញ្ជាទៅលើឧបករណ៍ Gear 360 (2017) ហើយនៅលើ Play Store ។ កម្មវិធី Gear 360 ថ្មីនេះ អាចប្រើប្រាស់សម្រាប់គ្រប់គ្រងកាមេរ៉ាពីចម្ងាយ ការផ្លាស់ប្តូរនៅក្នុង Settings និងការផ្សាយផ្ទាល់នៅក្នុងព្រឹត្តិការណ៍សំខាន់កម្រិត 360 ដឺក្រេ នៅលើបណ្តាញសង្គម Facebook, Samsung VR និង YouTube ជាដើម។
Gear 360(2017) មានសិនស័រកាមេរ៉ាទំហំ 8.4 មេហ្គាភិចសែលចំនួន 2 គ្រាប់ជាមួយនឹង F2.2 aperture និង fisheye lenses អាចថតបានកម្រិត 360 ដឺក្រេ និងវីដេអូដែលមានកម្រិតភាពច្បាស់ជិត 4K ។ ឧបករណ៍បច្ចេកវិទ្យាថ្មីនេះ មានរូបរាងតូចជាងជំនាន់មុន ដូចនេះ វាមានភាពងាយស្រួលកាន់ជាងមុនផងដែរ។ ក្រៅពីអាចប្រើប្រាស់ជាមួយនឹងស្មាតហ្វូនជាច្រើនរបស់ក្រុមហ៊ុន Samsung កាមេរ៉ានេះ ក៏អាចប្រើប្រាស់ជាមួយនឹងទូរស័ព្ទ iPhone ស៊េរីថ្មីរួមទាំងនៅលើកុំព្យូទ័រ PCs និង Macs ផងដែរ៕