យោងតាមប្រព័ន្ធផ្សព្វផ្សាយក្នុងស្រុករបស់ប្រទេសកូរ៉េខាងត្បូង ដែលទទួលរបាយការណ៍ពីក្រុមហ៊ុនចែកចាយនៅថ្ងៃនេះ បានអោយដឹងថា ចាប់តាំងពីក្រុមហ៊ុន Samsung បានដាក់ឱ្យដំណើរការការកម្មង់ទិញមុន (Pre Order) សម្រាប់ស្មាតហ្វូនត្រកូល Galaxy S8 នៅក្នុងប្រទេសកូរ៉េ កាលេពីថ្ងៃទី 7 ខែមេសា រហូតមកទល់ពេលនេះ តួរលេខនៃការ Pre Order គឺមានការកើនឡើងខ្លាំង ហើយក៏បានបញ្ជាក់ផងដែរថា Galaxy S8 នេះ បានក្លាយជាស្មាតហ្វូនដំបូងបំផុត ដែលមានការកម្មង់ទិញច្រើនជាង 1 លានគ្រឿងសំរាប់ការចាប់ផ្តើមនេះ។
ការកម្មង់ទិញមុននៅក្នុងចំនួនដ៏ច្រើនលើសលប់នេះ ជាតួរលេខខ្ពស់បំផុតមិនធ្លាប់មានពីមុនមកនោះទេ ប៉ុន្តែស្មាតហ្វូនត្រកូល Galaxy S8 អាចបំបែកកំណត់ត្រាបាន។ ក្រុមហ៊ុនបច្ចេកវិទ្យា Samsung ត្រូវបានគេរំពឹងថា ការដឹកជញ្ជូនស្មាតហ្វូនត្រកូល Galaxy S8 សរុបទាំងអស់មានប្រមាណជា 60 លានគ្រឿង ហើយអ្នកវិភាគជាច្រើនទស្សន៍ទាយថា ការកម្មង់ទិញស្មាតហ្វូននេះ នៅក្នុងឆ្នាំនេះ មានប្រមាណជា 50 លានគ្រឿង។
កាលបរិច្ឆេទនៃការដាក់លក់ស្មាតហ្វូនត្រកូល Galaxy S8 ជាផ្លូវការនៅក្នុងប្រទេសកូរ៉េខាងត្បូងគឺនៅថ្ងៃទី 21 ខែមេសា ដូចទៅនឹងសហរដ្ឋអាមេរិចអញ្ចឹងដែរ។ ការដាក់លក់នៅនៅថ្ងៃសុក្រសប្តាហ៍នេះ ហើយ ដូចនេះ សប្តាហ៍ក្រោយគ្រប់គ្នាប្រហែលជាកាន់ស្មាតហ្វូននេះគ្រប់ដៃជាក់ជាមិនខាន។ សំរាប់ទីផ្សារកម្ពុជាវិញ ក៏និងចាប់ផ្តើមដាក់លក់ជាផ្លូវការនាពេលដ៏ខ្លីខាងមុខនេះដែរបន្ទាប់ពីក្រុមហ៊ុនដាក់អោយការកម្មង់ទិញមុននៅថ្ងៃទី 21 ខាងមុខនេះ៕
