បន្ទាប់ពីការប្រកាសបង្ហាញវត្តមានរបស់ស្មាតហ្វូនស៊េរីថ្មី Galaxy S8 ក្រុមហ៊ុនបច្ចេកវិទ្យា Samsung បន្តការពង្រីកអាជីវកម្មរបស់ខ្លួនក្នុងការលក់ស្មាតហ្វូនស៊េរីថ្មីនេះ។ ការឃោសនាជុំវិញស្មាតហ្វូនស៊េរីថ្មីនេះបានធ្វើឱ្យសន្ទុះនៃតម្រូវការរបស់ស្មាតហ្វូន Galaxy S8 មានការកើនឡើងខ្លាំងក្លានៅលើទីផ្សារពិភពលោក។ឥឡូវនេះ ក្រុមហ៊ុនបច្ចេកវិទ្យា Samsung បានបង្ហោះនូវវីដេអូពាណិជ្ជកម្មថ្មីមួយទៀត របស់ស្មាតហ្វូនស៊េរីថ្មី Galaxy S8 នៅលើបណ្តាញសង្គម YouTube ដែលបង្ហាញយ៉ាងច្បាស់អំពីសមត្ថភាពរបស់ Galaxy S8 ដែលជាដៃគូធ្វើដំណើរដ៏ល្អឥតខ្ចោះរបស់លោកអ្នក។ វីដេអូពាណិជ្ជកម្មថ្មីនេះបង្ហាញអំពីលក្ខណៈសម្បត្តិនៃមុខងារពិសេសៗរបស់ស្មាតហ្វូន Galaxy S8 ។
នៅក្នុងវីដេអូនេះ បានបង្ហាញយ៉ាងច្បាស់ថា ស្មាតហ្វូន Galaxy S8 គឺមានកាមេរ៉ាច្បាស់អស្ចារ្យដែលមានន័យថា លោកអ្នកមិនចាំបាច់ត្រូវការកាមេរ៉ាផ្សេងមួយទៀតនោះទេ។ លោកអ្នកពិតជាទទួលបានការទំនាក់ទំនងគ្មានដែនកំណត់ជាមួយនឹងស្មាតហ្វូន Galaxy S8 មិនថាលោកអ្នកស្ថិតនៅលើទឹកដីក្រៅប្រទេសនោះទេ។.
ជាមួយគ្នានេះ ក្រុមហ៊ុន Samsung ក៏បង្ហោះនូវវីដេអូពាណិជ្ជកម្មផ្សេងមួយទៀតផងដែរអំពីស្មាតហ្វូន Galaxy S8 ដែលបង្ហាញពីសមត្ថភាពនៅក្នុងបច្ចេកវិទ្យានៃហ្គេម VR ។ ដើម្បីអាចប្រើប្រាស់នូវមុខងារទាំងនេះបាន លោកអ្នកត្រូវមានឧបករណ៍ Gear VR Headset ។ គួរបញ្ជាក់ផងដែរថា អតិថិជន ដែលបានបញ្ជាកម្មង់ទិញស្មាតហ្វូន Galaxy S8 (សម្រាប់ទីផ្សារមួយចំនួនប៉ុណ្ណោះ) គឺទទួលបានឧបករណ៍ Gear VR ជាមួយនឹង Controller ខណៈដែលក្រុមហ៊ុនចែកចាយផ្សេងទៀត បានផ្តល់ជូននូវកាសស្តាប់សម្រាប់អតិថិជន ដែលកម្មង់ទិញ Galaxy S8 នាពេលលកន្លងមក ប៉ុន្តែគួរអោយសោកស្តាយ ដោយសារតែទីផ្សារប្រទេសកម្ពុជា គឺមិនមានបន្ថែមឧបករណ៍ខាងលើនេះដូចបណ្តាប្រទេសមួយចំនួននោះ៕