បន្ទាប់ពីមានពាក្យចចាមអារ៉ាមជាច្រើនរួចមក ពេលនេះ ក្រុមហ៊ុន AMD បានបង្ហាញចេញនូវក្រាហ្វិកកាតស៊េរីថ្មីត្រកូល V Series របស់ខ្លួន ជាផ្លូវការហើយ។ ក្រាហ្វិកកាតនេះ បំពាក់នូវសមត្ថភាពខ្លាំងជាច្រើន ដែលធ្វើឱ្យអ្នកប្រើប្រាស់ចាប់អារម្មណ៍យ៉ាងខ្លាំងផងដែរ។ ក្រាហ្វិកកាតជំនាន់ថ្មីនេះ មានឈ្មោះថា Radeon Vega Frontier Edition ហើយវាគឺជាប្រភេទក្រាហ្វិកកាតស៊េរី Ultra High-End ដែលអាចជំនួយទៅលើដំណើរការនៃកម្មវិធីធំៗ បានយ៉ាងរលូន។ វាមានន័យថា ក្រាហ្វិកជំនាន់ថ្មីអាចប្រើប្រាស់នៅក្នុង Machine Learning, Advanced Visualization, VR និងការអភិវឌ្ឍហ្គេមជាជាងការប្រើប្រាស់វាដោយផ្ទាល់។ ក្រាហ្វិកនេះ ដំណើរការបានយ៉ាងល្អនៅលើហ្គេមជាច្រើនដែលមានក្រាហ្វិករូបភាពច្បាស់ធំ។
ក្រាហ្វិកកាត Vega Frontier Edition មានបំពាក់នូវ 64 compute units និង 4096 stream processors ដែលអាចបង្កើននូវប្រព័ន្ធដំណើរការ 13 TFLOPS នឹងមានសមត្ថភាពខ្លាំងជាង Titan Xp ។ បន្ថែមពីនេះទៀត វាបំពាក់នូវម៉េមូរី super fast HBM2 ទំហំធំ 16GB ដែលមាន Bandwidth ដល់ទៅ 480GB/s ។ សម្រាប់លក្ខណៈសម្បត្តិជាច្រើនទៀត របស់ស្មាតហ្វូននេះនៅមិនទាន់ទម្លាយអោយដឹងនៅឡើយទេ។
ក្រាហ្វិកកាតនេះ នឹងដាក់លក់នៅក្នុងពីរស៊េរីផ្សេងគ្នាគឺ ពណ៌ខៀវ (ភ្ជាប់ជាមួយ air cooling) និងពណ៌មាស (ភ្ជាប់ជាមួយ liquid cooling system ស្រដៀងគ្នាទៅនឹង Fury X) ។ សម្រាប់តម្លៃរបស់ក្រាហ្វិកកាតនេះនៅមិនទាន់ទម្លាយឱ្យដឹងនៅឡើយទេ ប៉ុន្តែវានឹងចាប់ផ្តើមដឹកជញ្ជូននៅក្នុងត្រីមាសទី 2 ឆ្នាំ 2017 នេះ៕
