ជឿជាក់ថា លោកអ្នកបានដឹងរួចមកហើយថា ស្មាតហ្វូនជំនាន់ថ្មីរបស់ Samsung Galaxy Note7 កំពុងតែត្រៀមខ្លួនរួចរាល់ក្នុងការដាក់លក់នៅលើទីផ្សារហើយ។ ឥលូវនេះ គឺមានលេចចេញរបាយការណ៍ជាច្រើន បាននិយាយថា ស្មាតហ្វូនជំនាន់ថ្មីនេះ នឹងមានឈ្មោះថា Galaxy Note7R ។ នៅក្នុងរបាយការណ៍ថ្មីមួយ ដែលបានចេញពីក្រុមហ៊ុន Samsung នៅកូរ៉េខាងត្បូង បានអះអាងថា ស្មាតហ្វូននេះ នឹងមានឈ្មោះ ផ្លូវការផ្សេងមិនមែន Note 7R នោះទេ ស្មាតហ្វូនជំនាន់ថ្មីនេះ នឹងមានឈ្មោះហៅថា Galaxy Note FE ។ FE ដំណាងអោយពាក្យថា Fan Edition ដែលសំដៅថា ក្រុមហ៊ុនបច្ចេកវិទ្យា Samsung មានគោលដៅទៅលើអ្នកគាំទ្រស្មាតហ្វូន Galaxy Note 7 របស់ខ្លួន។
ស្មាតហ្វូនជំនាន់ថ្មីនេះ បានទទួលនូវវិញ្ញាបនប័ត្រ FCC, Wi-Fi និង Bluetooth រួចរាល់ហើយ ប៉ុន្តែការដាក់លក់ស្មាតហ្វូនជំនាន់ថ្មីនេះ នឹងចាប់ផ្តើមនៅចុងខែមិថុនា ខាងមុខនេះ។ វានៅមិនទាន់មានព័ត៌មានបញ្ជាក់អំពីតម្លៃរបស់វានៅឡើយទេក្នុងខណៈពេលនេះ ប៉ុន្តែពាក្យចចាមអារ៉ាមជាច្រើន បានអះអាងថា ម៉ូដែលជំនាន់ថ្មីនេះ នឹងដាក់លក់ក្នុងតម្លៃថោកជាងតម្លៃដើមរបស់ Galaxy Note 7 ដល់ទៅ 50% ៕