ការប្រកួតប្រជែងគ្នាមិនមានថ្ងៃបញ្ចប់រវាងក្រុមហ៊ុនបច្ចេកវិទ្យា Apple និងក្រុមហ៊ុន Samsung តែងតែធ្វើឱ្យមានការផ្លាស់ប្តូរយ៉ាងខ្លាំងទៅលើស្មាតហ្វូនស៊េរីថ្មីរបស់ពួកគេពីមួយជំនាន់ទៅមួយជំនាន់ទៀត បើទោះបីជាក្រុមហ៊ុនបច្ចេកវិទ្យាទាំងពីរនេះបញ្ចេញស្មាតហ្វូនស៊េរីថ្មីក្នុងរយៈពេលខុសគ្នាដល់ទៅកន្លះឆ្នាំក៏ដោយ។ ស្មាតហ្វូនស៊េរីថ្មី Galaxy S8 កំពុងតែដាក់លក់នៅលើទីផ្សារជាច្រើន ខណៈពេលនេះទូរស័ព្ទ iPhone 7 បានចែកចាយនៅគ្រប់ទីកន្លែងរួចជាយូរមកហើយ។ តើស្មាតហ្វូនស៊េរីថ្មី Galaxy S8 ពិតជាលឿនជាង iPhone 7 មែនទេ? តើបន្ទះឈីបថ្មី Qualcomm Snapdragon 835 ដែលផលិតឡើងដោយក្រុមហ៊ុនបច្ចេកវិទ្យា Samsung សម្រាប់ក្រុមហ៊ុន Qualcomm នេះពិតជាអាចដណ្តើមតំណែងរបស់បន្ទះឈីប Apple A10 Fusion មែនទេ?
តាមរយៈគេហទំព័រ Geekbench, GFXbench និង AnTuTu វាមានការធ្វើតេស្តជាបន្តបន្ទាប់ដើម្បីវាស់ស្ទង់ទៅលើដំណើរការរបស់ស្មាតហ្វូនរបស់ក្រុមហ៊ុនបច្ចេកវិទ្យាទាំងពីរនេះ។ ការវាស់ទៅលើល្បឿននៃ CPU និង GPU មិនអាចបញ្ជាក់អំពីអ្វីដែលជាបទពិសោធន៍របស់អ្នកប្រើប្រាស់ក្នុងកិច្ចការងារប្រចាំថ្ងៃរបស់ខ្លួននោះទេ។
ដូច្នេះ តើអ្វីទៅដែលជាកិច្ចការងារពិតប្រាកដរបស់អ្នកប្រើប្រាស់នោះ? នៅក្នុងការសាកល្បងចំនួន 5 ដំណាក់កាលរបស់ Tom’s Guide បង្ហាញអំពីល្បឿននៃដំណើរការនៅលើស្មាតហ្វូននេះ។ ការបើកកម្មវិធី Apps ចំនួន 15 ការកែប្រែទៅលើវីដេអូ 4K រយៈពេល 5 នាទី ការចាប់ផ្តើមដំណើរការកម្មវិធីកាមេរ៉ា ការវាស់ទៅលើល្បឿននៃប្រព័ន្ធ Wi-Fi និងការតេស្តទៅលើ Frame Rates របស់ហ្គេម។ នៅក្នុងការធ្វើតេស្តនេះ ស្មាតហ្វូន Galaxy S8 នាំមុខប្រព័ន្ធដំណើរការរបស់ទូរស័ព្ទ iPhone 7 ។
រឿងមួយនៅក្នុងការកែប្រែទៅលើវីដេអូខណៈពេលដែលទូរស័ព្ទ iPhone 7 ត្រូវធ្វើការបន្ថែមទៅលើ Filter និងការបម្លែងវីដេអូ 4K ទៅជាកម្រិត 720p នៅក្នុងរយៈពេល 1 នាទី 26 វិនាទី។ ម្យ៉ាងវិញទៀត ស្មាតហ្វូន Galaxy S8 បញ្ចប់នៅក្នុងរយៈពេល 8 នាទី 13 វិនាទី។ វាមានការពន្យល់នៅត្រង់ចំណុចនេះ។ គោលការណ៍ “Synthetic” benchmarks របស់ Geekbench បង្ហាញថា បន្ទះឈីប A10 Fusion មានសមត្ថភាពប្រសើរជាងសម្រាប់ single-core performance ប៉ុន្តែវាចាញ់ប្រៀបសម្រាប់បន្ទះឈីប Snapdragons នៅក្នុងការតេស្ត multi-core ។ សរុបមក Apple មានសមត្ថភាពខ្លាំងសម្រាប់ Single A10 Core ខណៈពេលដែលបន្ទះឈីប Snapdragon មានប្រសិទ្ធិភាពខ្លាំងនៅពេលដែល Core ទាំងអស់ដំណើរការ។
ស្មាតហ្វូន Galaxy S8 អាចយកឈ្នះទូរស័ព្ទ iPhone 7 បាននៅក្នុងមុខងារមួយចំនួន។ កាមេរ៉ារបស់វាដំណើរការយឺតជាងកាមេរ៉ារបស់ទូរស័ព្ទ iPhone 7 ប៉ុន្តែមុខងារ Focuses របស់វាគឺលឿនជាង ជាពិសេសស្មាតហ្វូន Galaxy S8 មានសមត្ថភាពខ្លាំងទៅលើ GPU និង CPU ជាមួយនឹងល្បឿន Frame Rates នៃការលេងហ្គេមខ្លាំងក្លា។ យ៉ាងណាមិញ យើងនៅរង់ចាំមើលបន្តទៀតនៃវត្តមានរបស់បន្ទះឈីប Apple A11៕