ក្រោមការខិតខំរបស់ក្រុមអ្នកអភិវឌ្ឍ Android Developer ឈ្មោះថា xpirt ពេលនេះ លោកអ្នកអាចទាញយកកម្មវិធីកាមេរ៉ារបស់ស្មាតហ្វូនស៊េរីថ្មី LG G6 សម្រាប់ដំណើរការនៅលើស្មាតហ្វូន LG G5 តាមរយៈ XDA Developers forums ។ បើទោះបីជា វានៅមិនទាន់មានការបញ្ជាក់ជាផ្លូវការក្តី ក្រុម xpirt អាចតម្លើងនូវកម្មវិធីនេះ បានដោយសារតែស្មាតហ្វូន LG G5 ប្រើប្រាស់នូវ Fulmics ROM ប្រើប្រាស់សម្រាប់ Upgrade ទៅលើកម្មវិធីកាមេរ៉ា។
ក្រុម xpirt អះអាងថា គ្រប់លក្ខណៈសម្បត្តិទាំងអស់របស់កាមេរ៉ា LG G5 គួរតែអាចដំណើរការបាននៅលើកម្មវិធីរបស់ស្មាតហ្វូន LG G6 រួមទាំង Manual Video Mode និង GIF Encoder ។ ក្រុមអ្នកអភិវឌ្ឍកម្មវិធី បានធ្វើការផ្លាស់ប្តូរទំហំនៃកម្មវិធីនេះសម្រាប់ LG G5 ដោយសារតែអេក្រង់របស់ស្មាតហ្វូនទាំងពីរនេះ មានកម្រិត Aspect Ratios ខុសគ្នា។
យើងនៅមិនទាន់ច្បាស់នោះទេដែរថា មុខងារកាមេរ៉ាទាំងមូលរបស់ស្មាតហ្វូន LG G6 ពេញលក្ខណៈទាំងមូល ឬអត់នោះ ប៉ុន្តែលោកអ្នកនៅតែអាចប្រើប្រាស់នូវមុខងារពិសេសៗ មួយចំនួនរបស់កម្មវិធីកាមេរ៉ា ដែលបំពាក់នៅលើស្មាតហ្វូន LG G6។ ការតម្លើងនូវកម្មវិធីនេះ ធ្វើឡើងតែប៉ុន្មានជំហានតែប៉ុណ្ណោះ ប៉ុន្តែលោកអ្នកត្រូវប្រើប្រាស់ Fulmics ROM ទើបអាចដំណើរការកម្មវិធីនេះបាន៕