យោងទៅតាមរបាយការណ៍ថ្មីមួយបង្ហាញថា ក្រុមហ៊ុនបច្ចេកវិទ្យា Sony នឹងប្រកាសបង្ហាញស្មាតហ្វូនស៊េរីថ្មីចំនួន 3 ស៊េរីម៉ូដែលក្នុងឆ្នាំនេះក្នុងព្រឹត្តិការណ៍តាំងពិពរណ៍ IFA។ ស្មាតហ្វូនទាំងបីស៊េរីម៉ូដែលនេះគឺ Xperia XZ1, XZ1 Compact និង X1។ របាយការណ៍នេះក៏ទម្លាយអំពីលក្ខណៈសម្បត្តិរបស់ស្មាតហ្វូននេះផងដែរ។ ស្មាតហ្វូន Xperia XZ1 នឹងដំណើរការជាមួយបន្ទះឈីប Snapdragon 835 chipset រ៉េមផ្ទុកទិន្នន័យបណ្តោះអាសន្នទំហំ 4GB ថាមពលថ្ម 3000mAh និងអេក្រង់ទំហំ 5.2 អ៊ីងកម្រិត Full HD ។ ចំនែកស្មាតហ្វូន XZ1 Compact នឹងដំណើរការបន្ទះឈីប Snapdragon 835 SoC រ៉េមផ្ទុកទិន្នន័យបណ្តោះអាសន្នទំហំ 4GB ថាមពលថ្ម 2800mAh និងអេក្រង់ទំហំ 4.6 អ៊ីងកម្រិត HD។
ស្មាតហ្វូន Xperia X1 នឹងដំណើរការជាមួយបន្ទះឈីប Snapdragon 660 chipset រ៉េមផ្ទុកទិន្នន័យបណ្តោះអាសន្នទំហំ 4GB ថាមពលថ្ម 2800mAh និងអេក្រង់ទំហំ 5.0 អ៊ីងកម្រិត Full HD ។ ស្មាតហ្វូនទាំង 3 ស៊េរីនេះនឹងបំពាក់បច្ចេកវិទ្យាប្រព័ន្ធកាមេរ៉ាភ្លោះថ្មីថែមទៀតផងហៅថា “Full Pixel Continuous និង Shoot” ៕