នៅចន្លោះឆ្នាំ 2009 ដល់ឆ្នាំ 2011 ក្រុមហ៊ុន Nokia និង Apple មានការតម្លើងសរសៃកដាក់គ្នាទៅវិញទៅមក បន្ទាប់ពីក្រុមហ៊ុន Nokia បានប្តឹងក្រុមហ៊ុន Apple ថាពាក់ព័ន្ធទៅនឹងការរំលោភប៉ាតង់។ ជម្លោះពីរឆ្នាំនេះ បានបញ្ចប់ក្រោយពេលដែលក្រុមហ៊ុន Nokia ឈ្នះក្តី ហើយក្រុមហ៊ុន Apple ត្រូវសងទឹកប្រាក់នៃការលក់ទូរស័ព្ទ iPhone គ្រប់គ្រឿងនៅក្នុងចន្លោះឆ្នាំនេះ ទៅកាន់ក្រុមហ៊ុន Nokia។
កាលពីឆ្នាំមុន ក្រុមហ៊ុន Apple ដាក់ពាក្យបណ្តឹងប្រឆាំងទៅនឹងក្រុមហ៊ុនបច្ចេកវិទ្យាមួយចំនួនដែលធ្វើសកម្មភាពក្នុងនាមជាក្រុមហ៊ុន Nokia ហើយក្រុមហ៊ុនហូឡង់មួយនេះ បានឆ្លើយថា បណ្តឹងផ្ទាល់ខ្លួនរបស់ក្រុមហ៊ុន Nokia គឺប្រឆាំងផ្ទាល់ទៅនឹងក្រុមហ៊ុនប Apple ហើយក្រុមហ៊ុន Apple បានអះអាងថា ខ្លួនមានសិទ្ធិក្នុងការប្រើប្រាស់ប៉ាតង់របស់ក្រុមហ៊ុន Nokia ប៉ុន្តែក្រោយមកក្រុមហ៊ុនជាច្រើនទៀត ក៏បានចាប់ផ្តើមកកូរកកាយរឿងប៉ាតង់នេះ ដើម្បីទាមទារទឹកប្រាក់ពីការប្រើប្រាស់បច្ចេកវិទ្យារបស់ខ្លួន។ យោងតាមការបញ្ជាក់របស់លោក Tim Cook និងក្រុមហ៊ុន Apple នេះ គឺជាការរំលោភបំពានមួយ។ ចំនែកក្រុមហ៊ុន Nokia ក៏បានអះអាងត្រឡប់មកវិញថា ក្រុមហ៊ុន Apple នៅតែជំពាក់ក្រុមហ៊ុនរបស់ខ្លួន ដោយសារតែក្រុមហ៊ុននេះ នៅបន្តប្រើប្រាស់ប៉ាតង់របស់ខ្លួននៅលើផលិតផលជាច្រើនរបស់ក្រុមហ៊ុន Apple ។
ប៉ុន្តែនៅថ្ងៃនេះ ក្រុមហ៊ុន ទាំងពីរនេះ បានបញ្ចេញសេចក្តីថ្លែងការណ៍មួយនិយាយថា រាល់វិវាទទាំងអស់ត្រូវបានដោះស្រាយរួចរាល់ហើយ ជាពិសេសក្រុមហ៊ុនទាំងពីរនេះយល់ព្រមទៅលើអាជ្ញាប័ណ្ណប៉ាតង់របស់ពួកគេជាច្រើនឆ្នាំកន្លងទៅនេះ។ បន្ថែមពីនេះទៀត ក្រុមហ៊ុនបច្ចេកវិទ្យា Nokia នឹងផ្តល់នូវ “បណ្តាញហេដ្ឋារចនាសម្ព័ន្ធទៅលើផលិតផល និងសេវាកម្មជាច្រើន” ទៅកាន់ក្រុមហ៊ុនបច្ចេកវិទ្យា Apple នៅក្រោមកិច្ចព្រមព្រៀងនៃការសហការអាជីវកម្មថ្មី រវាងក្រុមហ៊ុនបច្ចេកវិទ្យាទាំងពីរនេះ។ ក្រុមហ៊ុន Apple នឹងបន្តការលក់ផលិតផលថែរក្សាសុខភាពរបស់ក្រុមហ៊ុន Nokia មានឈ្មោះថា Withings នៅក្នុងហាងលក់រាយរបស់ខ្លួន និងហាងលក់អនឡាញជាច្រើនរបស់ខ្លួន។
លោក Maria Varsellona ប្រធាននាយកប្រតិបត្តិនីតិកម្មរបស់ក្រុមហ៊ុន Nokia បានថ្លែងថា នេះគឺជាកិច្ចព្រមព្រៀងដ៏មានអត្ថន័យរវាងក្រុមហ៊ុន Nokia និងក្រុមហ៊ុន Apple ។ វាធ្វើឱ្យទំនាក់ទំងរបស់យើងជាមួយនឹងក្រុមហ៊ុន Apple ពីសត្រូវនៅក្នុងតុលាការក្លាយទៅជាដៃគូអាជីវកម្មដែលជាប្រយោជន៍ដ៏ធំធេងសម្រាប់អតិថិជន។ ចំនែកលោក Jeff Williams ដែលជា COO របស់ក្រុមហ៊ុន Apple បានអធិប្បាយនៅក្នុងរឿងនេះ ផងដែរថា យើងពិតជាមានសេចក្តីរីករាយណាស់ក្រោយពេលដែលយើងអាចរកដំណោះស្រាយបានទៅលើជម្លោះរបស់យើង ហើយយើងនឹងបន្តរពង្រីកទំនាក់ទំនងពាណិជ្ជកម្មរបស់យើងជាមួយនឹងក្រុមហ៊ុន Nokia។
សម្រាប់ព័ត៌មានលម្អិតនៃកិចព្រមព្រៀងនេះ ត្រូវរក្សាទុកជាការសម្ងាត់ ប៉ុន្តែនៅក្នុងសេចក្តីអត្ថាធិប្បាយនេះ បានបញ្ជាក់ថា Nokia និងទទួលបានការទូទាត់ជាសាច់ប្រាក់ពី Apple រួមជាមួយនឹងប្រាក់ចំណូលបន្ថែមទៀតនៅក្នុងរយៈពេលនៃកិច្ចព្រមព្រៀងនេះ។ តម្លៃនៃកិច្ចព្រមព្រៀងនេះឆ្លុះបញ្ចាំងអំពីការលក់សុទ្ធ (Net Sales) ទៅលើប៉ាតង់នៃបច្ចេកវិទ្យារបស់ក្រុមហ៊ុន Nokia រួមជាមួយនឹងការលក់សុទ្ធនៃក្នុងអាជីវកម្មផ្សេងទៀតរបស់ Nokia ។ ក្រុមហ៊ុន Nokia បានបញ្ជាក់ថា ក្រុមហ៊ុននឹងនៅតែបន្តក្នុងការបង្ហាញនូវប្រាក់ចំណូលរបស់ខ្លួននៅក្នុងការផ្តល់អាជ្ញាប័ណ្ណប៉ាតង់នៅក្នុងត្រីមាស ហើយប្រាក់ចំណូលនៃកិច្ចព្រមព្រៀងរបស់ខ្លួននឹងប្រកាសនៅក្នុងត្រីមាសទី 2 ក្នុងឆ្នាំ 2017 នេះ។ នៅក្នុងពេលនេះ យើងពិតជាសប្បាយចិ្តតដោយសារតែជម្លោះប៉ាតង់ជាលើកទី 2 របស់ក្រុមហ៊ុនបច្ចេកវិទ្យាយក្សទាំងពីរនេះ បានបញ្ចប់លឿនជាងជម្លោះលើកទីមួយ៕
