ថ្មីៗនេះ សាខារបស់ក្រុមហ៊ុន Sony នៅក្នុងប្រទេសបារាំង បានទម្លាយទរូបភាពថ្មីមួយ ដោយបង្ហាញថា ស្មាតហ្វូនជំនាន់ថ្មី Xperia XZ Premium, Xperia XA1, Xperia XA1 Ultra នឹងអាចប្រើប្រាស់ស៊ីមកាតពីរបាន និងម៉េមូរីកាតបន្ថែមប្រភេទ microSD មួយទៀតក្នុងពេលដំណាលគ្នា។ អ្វីដែលប្លែកនោះ សម្រាប់ស្មាតហ្វូនផ្សេងគឺប្រើប្រាស់ស៊ីមពីរមែន ប៉ុន្តែមិនអាចដាក់ម៉េមូរីបន្ថែមបាននោះទេ លុះត្រាតែលោកអ្នកប្រើប្រាស់ស៊ីមតែមួយ និងមួយទៀតសម្រាប់ដាក់ម៉េមូរីបន្ថែមប្រភេទ microSD ។ ដំណឹងដ៏ល្អពីស្មាតហ្វូនជំនាន់ថ្មីរបស់ក្រុមហ៊ុនបច្ចេកវិទ្យា Sony នៅពេលនេះ គឺពិតជារឿងមួយដ៏ល្អបំផុតសម្រាប់អ្នកប្រើប្រាស់ជាក់ជាមិនខាន។
នេះមិនមែនជាលើកទីមួយនោះទេ ដែលក្រុមហ៊ុន Sony ធ្វើរឿងនេះ សម្រាប់ស្មាតហ្វូនត្រកូល Xperia ជំនាន់មុនជាច្រើនសុទ្ធតែអាចប្រើប្រាស់ស៊ីមកាតពីរបាននោះគឺ Xperia Z5, Xperia X Performance, Xperia XA និងជាច្រើនទៀត។ យ៉ាងណាមិញ សម្រាប់ស្មាតហ្វូនជំនាន់ថ្មី XZ Premium, XA1 និង XA1 Ultra គ្រោងដាក់លក់នៅពេលណាលើទីផ្សារ ក៏នៅមិនទាន់ដឹងនៅឡើយទេ។ គេរំពឹងថា ក្រុមហ៊ុនបច្ចេកវិទ្យា Sony នឹងបញ្ចេញនូវស្មាតហ្វូនជំនាន់ថ្មីទាំងនេះ នៅក្នុងទីផ្សារជាច្រើន លើកលែងតែសហរដ្ឋអាមេរិច៕