ថ្មីនេះ មានការនិយាយតៗគ្នាថា ក្រុមហ៊ុន Samsung នឹងប្រកាសបង្ហាញវត្តមានរបស់ហ្វាប់ប្លេត Galaxy Note 8 នៅក្នុងព្រឹត្តិការណ៍ IFA 2017 នៅក្នុងទីក្រុង Berlin ប្រទេសអាឡឺម៉ង់។ តែពេលនេះ មានរបាយការណ៍ថ្មីមួយ ដែលដកស្រង់ចេញពីសារព័ត៌មាន Naver របស់កូរ៉េខាងត្បូង បានបញ្ជាក់ថា ក្រុមហ៊ុន Samsung អាចនឹងប្រកាសបង្ហាញនូវស្មាតហ្វូនថ្មីនេះ នៅក្នុងព្រឹត្តិការណ៍មួយក្នុងទីក្រុងញ៉ូវយ៉កនៅថ្ងៃទី 26 ខែសីហាខាងមុខនេះទោវិញ។ ប្រសិនបើយើងប្រៀបធៀបជាមួយនឹងការបង្ហាញវត្តមានរបស់ហ្វាប់ប្លេត Galaxy Note 7 កាលពីឆ្នាំមុននេះ ហ្វាប់បេ្លតនេះ គឺបានសម្ពោធនៅថ្ងៃទី 2 ខែសីហា ឆ្នាំ 2016 ។ ដូចនេះការបបង្ហាញវត្តមានរបស់ហ្វាប់ប្លេត Galaxy Note 8 គឺមានការពន្យារពេលជិតមួយខែឯណោះ។
តែទោះជាយ៉ាងណាក៏ដោយក្រុមហ៊ុន Samsung មិនអាចធ្វើអោយមានការធ្លោសធ្លោយនូវការបង្ហាញស្មាតហ្វូន Galaxy Note8 នោះទេ ពីព្រោះពេលនេះ ក្រុមហ៊ុន Apple ក៏គ្រោងប្រកាសបង្ហាញទូរស័ព្ទស៊េរីថ្មីរបស់ខ្លួន iPhone 7s ឬ iPhone 8 នៅក្នុងខែកញ្ញាខាងមុខនេះផងដែរ ដូចនេះក្រុមហ៊ុន Samsung អាចនិងង្ហាញហ្វាប់ប្លេតនេះ មុនពេលក្រុមហ៊ុន Apple យ៉ាងហោចណាស់ក៏មួយសប្តាហ៍ដែរ។ ទូរស័ព្ទ iPhone 8 និងស្មាតហ្វូន Galaxy Note 8 ត្រូវបានគេរំពឹងថា នឹងដាក់លក់មុនដាច់ឆ្នាំនេះដូចគ្នា។
នៅក្នុងប្រព័ន្ធបោះពុម្ពផ្សាយនេះ បានរាយការណ៍ថា ហ្វាប់ប្លេត Galaxy Note 8 នឹងបំពាក់នូវអេក្រង់ទំហំ 6.3 អ៊ីងប្រភេទ Infinity Display ការប្រើប្រាស់ជាមួយប៊ិក S Pen ប្រព័ន្ធកាមេរ៉ាភ្លោះ ជំនួយការឆ្លាតវៃ Bixby និងប្រព័ន្ធស្កែនក្រយ៉ៅដៃ (Fingerprint Reader) ស្ថិតនៅផ្នែកខាងក្រោយនៃហ្វាប់ប្លេតនេះ ដែលស្រដៀងគ្នាទៅនឹងស្មាតហ្វូន Galaxy S8 និង Galaxy S8+ ។ យ៉ាងណាមិញ ទីតាំងសម្រាប់ប្រព័ន្ធស្កែនក្រយ៉ៅដៃត្រូវគេរាយការណ៍ថាផ្លាស់ប្តូរភ្លាមៗនៅពាក់កណ្តាលទីដោយសារតែវាពិបាកក្នុងការបង្កប់ក្រោមអេក្រង់ ដូចនេះ ប្រព័ន្ធស្កែនក្រយ៉ោដៃនេះពិតជាបំពាក់នៅជាប់កាមេរ៉ាខាងក្រោយជាក់ជាមិនខាន៕