ថ្មីៗនេះ ស្មាតហ្វូនស៊េរីថ្មី OnePlus 5 ត្រូវបានគេរកឃើញថា បានបន្លំបោកប្រាក់ទៅលើការដាក់ពិន្ទុនៅលើ Benchmarks ដើម្បីសម្រេចនូវការឈរនៅកំពូលតារាងនៃល្បឿនដំណើរការរបស់វា។ នៅក្នុងការស៊ើបអង្កេតលម្អិតមួយរបស់ XDA-Developers បានរកឃើញថា យន្តការនេះ គឺជាការបន្លំពិតប្រាកដមែន។ នៅពេលដែល Benchmark មួយត្រូវគេរកឃើញពាក់ព័ន្ធទៅនឹង Cluster តូចរបស់បន្ទះឈីប Snapdragon 835 ដែលមានកម្រិត Clockspeed ខ្ពស់រហូតដល់ទៅ 1.9GHz ។ នេះមិនមែនជាល្បឿនរបស់ Overclock នោះទេ ប៉ុន្តែ វាបិទដំណើរការទៅលើការបញ្ចេញកម្តៅ។ ចង្កោម Cluster ធំមិនមានរងប៉ះពាល់អ្វីនោះទេ។
ការធ្វើបែបនេះ គឺគ្រប់គ្រាន់សម្រាប់ជម្រុញនៃពិន្ទុរបស់ Multi-Core ខ្ពស់ទៅតាមអ្វីដែលខ្លួនចង់បាន ចំនែកពិន្ទុនៅក្នុង Single-Core ក៏មិនប្រែប្រួលផងដែរ (មនុស្សភាគច្រើន បានសម្លឹងមើលតែទៅលើពិន្ទុ Multi-Core តែប៉ុណ្ណោះ)។ នៅក្នុងការបន្លំបោកប្រាស់នេះ Cluster តូចចំណាយពេលត្រឹមតែ 1 ភាគ4 ប៉ុណ្ណោះ នៅក្នុងកម្រិតហ្វ្រកង់ខ្ពស់បំផុត ដូចនេះ ល្បឿនអតិបរមានរបស់វាក៏ស៊ីសង្វាក់គ្នាផងដែរ។ អ្វីដែលកាន់តែគួរអោយចាប់អារម្មណ៍ទៀតនោះ នៅក្នុងការដាក់ពិន្ទុទៅលើ CPU របស់ GeekBench ស្មាតហ្វូន OnePlus 5 មិនមានកើនឡើងកម្តៅលឿននោះទេ។ វាគឺនៅពេលដែល GPU Benchmarks ដំណើរការនោះកម្តៅ វានឹងកើនឡើងខ្លាំងដែលធ្វើអោយផ្នែកខាងក្រោយរបស់ស្មាតហ្វូននេះ មានកម្តៅដល់ទៅ 50 អង្សារសេ។ សូមចងចាំថា ល្បឿន GPU Clocks មិនមានការប្រែប្រួលអ្វីនោះទេ ប៉ុន្តែសម្រាប់ Cluster តូចនៅក្នុងល្បឿនអតិបរមានេះ ពិតជាអាចបញ្ចូនកម្តៅលើសដែនកំណត់របស់ខ្លួនបាន។
មិនមែនគ្រប់ Benchmarks ទាំងអស់សុទ្ធតែមានផលប៉ះពាល់នោះទេ ខាងក្រោមនេះគឺជាបញ្ជីរបស់ Benchmarks ដែលក្រុមហ៊ុន OnePlus បានធ្វើរួច។
AnTuTu (com.antutu.benchmark.full)
Androbench (com.andromeda.androbench2)
Geekbench 4 (com.primatelabs.geekbench)
GFXBench (com.glbenchmark.glbenchmark27)
Quadrant (com.aurorasoftworks.quadrant.ui.standard)
Nenamark 2 (se.nena.nenamark2)
Vellamo (com.quicinc.vellamo)
សេចក្តីថ្លែងការណ៍ផ្លូវការមួយរបស់ក្រុមហ៊ុន OnePlus បានអះអាងថា វិធីមួយនេះ គឺអាចបង្ហាញនូវអំពីឥទ្ធិពលនៃល្បឿនដំណើរការរបស់ស្មាតហ្វូន OnePlus 5 នៅក្នុងកម្រិតមួយល្អបំផុត៕
