រូបភាពរបស់ស្មាតហ្វូនស៊េរីថ្មី Samsung Galaxy S8 ដែលបពាក់នូវប្រព័ន្ធកាមេរ៉ាភ្លោះ ពិតជាបានបង្ហាញខ្លួនមែន តែវានៅមិនទាន់មានការបញ្ជាក់ណាមួយ ដែលថា ក្រុមហ៊ុន Samsung គ្រោងនិងបង្ហាញស្មាតហ្វូន Galaxy S8 ជំនាន់ពិសេស ដែលបំពាក់ប្រព័ន្ធកាមេរ៉ាភ្លោះនេះ នៅពេលណានោះទេ។ តែទោះជាយ៉ាងណាក៏ដោយ ព័តមាននេះ អាចជាសញ្ញាដ៏ល្អមួយដែលថា ក្រុមហ៊ុន Samsung កំពុងតែត្រៀមបំពាក់នូវប្រព័ន្ធកាមេរ៉ាភ្លោះសម្រាប់ហ្វាប់ប្លេត Galaxy Note 8 ផងដែរ។ មានរូបភាពគំរូជាច្រើនរបស់ស្មាតហ្វូន Galaxy S8 បំពាក់នូវប្រព័ន្ធកាមេរ៉ាភ្លោះ យើងនៅមិនទាន់ដឹងនៅឡើយទេថា ហេតុអ្វីបានជាក្រុមហ៊ុន Samsung សុខចិត្តបោះបង់ចោលនូវគំនិតក្នុងការបំពាក់ប្រព័ន្ធកាមេរ៉ាភ្លោះរបស់ខ្លួននៅលើស្មាតហ្វូន Galaxy S8 នោះទេ។
អ្នកប្រើប្រាស់ជាច្រើន បានដឹងថា ក្រុមហ៊ុន Samsung បានធ្វើការផ្លាស់ប្តូរការរចនារូបរាងស្មាតហ្វូនរបស់ស្មាតហ្វូនខ្លួន ប្រកបដោយភាពទាក់ទាញ និងការប្រើប្រាស់ប្រព័ន្ធស្កែនក្រយ៉ោដៃស្ថិតនៅផ្នែកខាងក្រោយផងដែរ។ ហើយរូបភាពដែលបែកធ្លាយប្រព័ន្ធកាមេរ៉ាភ្លោះ របស់ស្មាតហ្វូន Galaxy S8 នៅពេលនេះ គឺមិនមានភ្ជាប់នូវប្រព័ន្ធស្កែនក្រយ៉ៅដៃស្ថិតនៅផ្នែកខាងក្រោយនោះទេ។ មិនដឹងថា ហេតុអ្វីបានជាក្រុមហ៊ុន Samsung សុខចិត្តបោះបង់ចោលនូវគំនិតក្នុងការបំពាក់ប្រព័ន្ធស្កែនក្រយ៉ៅដៃបង្កប់ក្រោមអេក្រង់សម្រាប់ហ្វាប់ប្លេត Galaxy S8 នោះទេ។ ដូចអ្នកទាំងអស់គ្នាបានឃើញស្រាប់ហើយ ពេលនេះ Galaxy S8 គឺពិតជាមានប្រព័ន្ធស្កែនក្រយ៉ៅដៃស្ថិតនៅផ្នែកខាងក្រោយ។ តែកន្លងទៅថ្មីៗនេះ ក៏មានអ្នកប្រើប្រាស់មួយចំនួន បង្ហាញពីការរំខាន នៃការប្រើប្រាស់ប្រព័ន្ធស្កែនក្រយ៉ៅដៃជាប់ទៅនឹងកាមេរ៉ា នៅលើស្មាតហ្វូន Galaxy S8 ផងដែរ។
និយាយពី Galaxy Note 8! តាមរយៈរូបភាពទម្លាយដោយ Slash Leaks បានបង្ហាញថា Samsung Galaxy Note 8 គឺពិតជាមានប្រព័ន្ធកាមេរ៉ាភ្លោះ នៅខាងក្រោយមែន ហើយនិងប្រព័ន្ធ ស្កែនក្រយ៉ៅដៃស្ថិតនៅក្រោមកាមេរ៉ា។ តែមានរូបភាពបែកធ្លាយមួយចំនួនទៀត នៅមិនទាន់បង្ហាញអំពីរូបភាពច្បាស់នៃផ្ទាំងខាងក្រោយរបស់ហ្វាប់ប្លេតនេះនៅឡើយទេ។ សំរាប់ព័តមានជាក់លាក់នោះ មានតែរង់ចាំតាមដានទាំងអស់គ្នា ពីព្រោះថា ព្រឹត្តិការណ៍នៃការបង្ហាញវត្តមានរបស់ហ្វាប់ប្លេត Galaxy Note 8 គឺអាចនឹងធ្វើឡើងនៅចន្លោះថ្ងៃទី 20 ខែសីហា និងថ្ងៃទី 26 ខែសីហាខាងមុខនេះហើយ៕
