នៅថ្ងៃទី 21 ខែមិថុនា ឆ្នាំ 2017 នៅក្នុងកម្មវិធី Paris Airshow 2017 ដែលបានប្រារព្វឡើងនៅទីក្រុងប៉ារីស ប្រទេសបាំរាំង ក្រុមហ៊ុនអាកាសចរណ៍ Vietjet បានចុះហត្ថលេខាលើកិច្ចព្រមព្រៀង SFCO2 ជាមួយនឹងក្រុមហ៊ុន Safran សម្រាប់ដំណោះស្រាយប្រសិទ្ធិភាពប្រេងឥន្ធនៈ។ កិច្ចសន្យាសេវាកម្ម SFCO2 មានរយៈពេលចំនួន ៥ ឆ្នាំ គិតចាប់ពីឆ្នាំ 2017 និងគ្របដណ្តប់លើយន្តហោះទាំងអស់ របស់ក្រុមហ៊ុនអាកាសចរណ៍ដែលមានមូលដ្ឋាននៅទីក្រុងហូជីមិញ។ វានឹងជួយឱ្យក្រុមហ៊ុនអាកាសចរណ៍ Vietjet កែលម្អប្រសិទ្ធិភាពប្រតិបត្តិការរបស់វាខ្លួនដោយកាត់បន្ថយការប្រើប្រាស់ឧស្ម័ន និងការបញ្ចេញឧស្ម័ន CO2 ផងដែរ។ កិច្ចព្រមព្រៀងនេះផ្តល់ជូននូវអនុសាសន៍ប្រតិបតិ្តការ រួមជាមួយកម្មវិធី វិបសាយ ពិសេស SFCO2 ដែលអាចឱ្យក្រុមហ៊ុនអាកាសចរណ៍តាមដានការរីកចម្រើន និងការសន្សំសំចៃប្រកបដោយសក្តានុពលរបស់ខ្លួន។ ដំណោះស្រាយ SFCO2 រួមបញ្ចូលគ្នានូវជំនាញរបស់ក្រុមហ៊ុន Safran Aircraft Engines ដែលជាក្រុមហ៊ុនផលិតម៉ាស៊ីនយន្តហោះឈានមុខគេមួយនៅលើពិភពលោកដោយមានបទពិសោធន៍ដ៏យូរអង្វែងពី Safran Electronics និង Defense ក្នុងការវិភាគទិន្នន័យយន្តហោះ។
លោក Dinh Viet Phuong ដែលជាអនុប្រធាន Vietjet បានមានប្រសាសន៍ថា៖ "ក្នុងនាមជាធាតុផ្សំដ៏សំខាន់នៃកម្មវិធីប្រសិទ្ធភាពប្រេងឥន្ធនៈ របស់ក្រុមហ៊ុនអាកាសចរណ៍ Vietjet សេវាកម្ម SFCO2® របស់ក្រុមហ៊ុន Safran នឹងជួយឱ្យយើងបំពេញនូវប្រសិទ្ធភាពនៃការប្រើប្រាស់ប្រេងសាំងរបស់យើង។ លោក François Planaud ដែលជាអនុប្រធានផ្នែកសេវាតំហែទាំការជួសជុល និងប្រតិបត្តិការមានប្រសាសន៍ក៏បានបញ្ជាក់ផងដែរថា ៖ "យើងមានមោទកភាពនៅក្នុងការទទួលបានកិច្ចសន្យានេះ ដើម្បីគាំទ្រដល់ការអនុវត្តប្រចាំថ្ងៃ និងការអភិវឌ្ឍន៍ប្រកបដោយថាមភាពរបស់ក្រុមហ៊ុនអាកាសចរណ៍ Vietjet ក្នុងរយៈពេល 5 ឆ្នាំខាងមុខ។ ការជ្រើសរើសយកសេវាកម្មរបស់យើងខ្ញុំដោយក្រុមហ៊ុនអាកាសចរណ៍ Vietjet បានបញ្ជាក់ពីប្រសិទ្ធភាពនៃសេវាកម្មប្រេងឥន្ទនៈ SFCO2 របស់យើង ក៏ដូចជាផ្តល់ការទទួលស្គាល់បន្ថែមទៀតដល់អ្នកជំនាញជាសកលរបស់យើងក្នុងដំណោះស្រាយប្រសិទ្ធភាពប្រេងឥន្ធនៈ។
ការអនុវត្តបច្ចេកវិជ្ជាកម្រិតខ្ពស់និងដំណោះស្រាយបរិស្ថានក្នុងប្រតិបត្តិការប្រចាំថ្ងៃ គឺជាអាទិភាពមួយក្នុងចំណោមអាទិភាពកំពូលរបស់ក្រុមហ៊ុនអាកាសចរណ៍ Vietjet ។ តាមរយៈការវិភាគទិដ្ឋភាពប្រតិបត្តិការ និងតំហែទាំសេវាកម្ម SFCO2® របស់ក្រុមហ៊ុន Safran បានបង្កើតនីតិវិធី និងបានផ្ដល់អនុសាសន៍ ដើម្បីជាការឆ្លើយតបទៅនឹងតម្រូវការប្រេងឥន្ធនៈដែលមានប្រសិទ្ធភាពខ្ពស់ជាងមុនដែលជួយកាត់បន្ថយការប្រើប្រាស់ប្រេងឥន្ធនៈរបស់ក្រុមហ៊ុន Vietjet រហូតដល់5% ឯណោះ។ ហេតុនេះ គឺរំពឹងថា ការចំណាយលើប្រេងឥន្ធនៈជារៀងរាល់ឆ្នាំរបស់ក្រុមហ៊ុននេះ នឹងអាចសន្សំសំចៃបានរហូតដល់ជាង 10 លានដុល្លារអាមេរិក។