ថ្ងៃនេះ មានការបែកធ្្លាយរូបភាពថេប្លេតស៊េរីថ្មី Asus ZenPad Z8 ស៊េរីឆ្នាំ 2017 ត្រៀមខ្លួននឹងដាក់លក់នៅក្នុងទឹកដីសហរដ្ឋអាមេរិចជាមួយក្រុមហ៊ុន Verizon ដែលជាក្រុមហ៊ុនចែកចាយផលិតផលនេះ បើទោះបីជាក្រុមហ៊ុន Asus ខ្លួនេង នៅមិនទាន់បង្ហាញពីការលក់ថេប្លេតស៊េរីថ្មី ZenPad Z8 2017 ជាផ្លូវការក៏ដោយ។ ថេប្លេតថ្មីនេះ ត្រូវបានគេទម្លាយនៅលើអនឡាញជាបណ្តោះអាសន្ននៅលើ Verizonរ។ តែទោះជាយ៉ាងណា វាមិនមានភ្ជាប់មកជាមួយនឹងព័ត៌មានលម្អិតអំពីលក្ខណៈសម្បត្តិរបស់ថេប្លេតនេះនោះទេ ប៉ុន្តែមនុស្សជាច្រើនប្រហែលជាដឹងរួចមកហើយអំពីថេប្លេត ZenPad Z8 ដែលបានប្រកាសបង្ហាញវត្តមានជាផ្លូវការនៅក្នុងព្រឹត្តិការណ៍ Computex កាលពីខែមុននេះ។
គួរបញ្ជាក់ថា Asus ZenPad Z8 ស៊េរីឆ្នាំ 2017 ថេប្លេតស៊េរីថ្មីនេះ ធ្លាប់បានបង្ហាញខ្លួនជាផ្លូវការមានរយៈពេលមួយខែកន្លងមកហើយ ដោយនៅលើថេប្លេតនេះ គឺភ្ជាប់ជាមួយនឹងបន្ទះឈីប quad-core Qualcomm Snapdragon 652 រ៉េមផ្ទុកទិន្នន័យបណ្តោះអាសន្នទំហំ 3GB/4GB ម៉េមូរីក្នុងម៉ាស៊ីនទំហំ 32GB/64GB អេក្រង់ទំហំ 8 អ៊ីងកម្រិតភាពច្បាស់ 2048x1536 ភិចសែល នឹងដំណើរការប្រព័ន្ធប្រតិបត្តិការ Android 7.1Nougat ភ្ជាប់ជាមួយ ZenUI នៅផ្នែកខាងលើថែមទៀតផង។ គួរបញ្ជាក់ផងដែរថា ក្រុមហ៊ុន Verizon មិនមែន ជាក្រុមហ៊ុនចែកចាយផ្តាច់មុខតែមួយគត់នៅសហរដ្ឋអាមេរិច ទៅលើផលិតផលថេប្លេត ZenPad Z8 2017 នោះទេ៕