ថ្ងៃនេះ ក្រុមហ៊ុនបណ្តាញទូរស័ព្ទ EE របស់ចក្រភពអង់គ្លេស បានប្រកាសថា ស្មាតហ្វូនស៊េរីថ្មី Samsung Galaxy S8 និង Galaxy S8+ នឹងលក់ផ្តាច់មុខនូវស្មាតហ្វូនស៊េរីថ្មីនេះ ពណ៌ថ្មីគឺ Arctic Silver។ អតិថិជន អាចធ្វើការកម្មង់ទិញមុន (Pre-orders) ស្មាតហ្វូនពណ៍ថ្មីនេះ បានចាប់ពីថ្ងៃសុក្រ ទី 23 ខែមិថុនាខាងមុខនេះ។ រហូតមកដល់ពេលនេះ ស្មាតហ្វូនស៊េរីថ្មី Galaxy S8/S8+ ដាក់លក់ក្នុងចក្រភពអង់គ្លេសមាន 3 ពណ៌ហើយ គឺពណ៌ទឹកប្រាក់ (Arctic Silver) ពណ៌ខ្មៅ (Midnight Black) និងពណ៌ប្រផេះ (Orchid Grey) ។ ជាមួយនិងការប្រកាសនេះ ក្រុមហ៊ុន EE បានបង្ហាញនូវលក្ខខណ្ឌមួយចំនួនសម្រាប់ការកម្មង់ទិញមុន (Pre-orders) ទៅលើស្មាតហ្វូន Galaxy S8 ពណ៌ថ្មី Arctic Silver គឺ៖
-Galaxy S8 - ការកក់ទឹកប្រាក់ £9.99, ការបង់ £57.99 ក្នុងមួយខែសម្រាប់ការខល និងការផ្ញើរសារដោយសេរី និងទិន្នន័យ 25GB សម្រាប់គម្រោងនៃការប្រើប្រាស់រយៈពេល 24 ខែ
-Galaxy S8+ - ការកក់ទឹកប្រាក់ £49.99, ការបង់ £57.99 ក្នុងមួយខែសម្រាប់ការខល និងការផ្ញើរសារដោយសេរី និងទិន្នន័យ 25GB សម្រាប់គម្រោងនៃការប្រើប្រាស់រយៈពេល 24 ខែ
គម្រោងទាំងពីរនេះស្ថិតនៅក្នុងគម្រោង 4GEE Max អនុញ្ញាតអោយលោកអ្នកប្រើប្រាស់នូវស្មាតហ្វូននេះបានទៅកាន់ 50 ប្រទេសផ្សេងគ្នានៅលើពិភពលោក នៅក្នុងនោះមានអ្វីបអ៊ឺរ៉ុប សហរដ្ឋអាមេរិច កាណាដា ម៉ិចស៊ិចកូ អូស្រា្តលី និងញ៉ូវហ្សេឡែន។ លោកអ្នកក៏អាចប្រើប្រាស់កម្មវិធី BT Sport app ក៏រាប់បញ្ជូលនៅក្នុងគម្រោង 24 ខែផងដែរ។
លោក Connor Pierce អនុប្រធានរបស់ក្រុមហ៊ុន Samsung ផ្នែក IT & Mobile និយាយថា “យើងពិតជាសប្បាយចិត្តណាស់ក្នុងការសហការជាមួយក្រុមហ៊ុន EE ក្នុងការលក់ផ្តាច់មុខនូវស្មាតហ្វូនស៊េរីថ្មី Galaxy S8 និង Galaxy S8+ ពណ៌ថ្មី Arctic Silver នេះ។ ពណ៌ថ្មីនេះនឹងបង្ហាញខ្លួនដាក់លក់ជាមួយនឹងពណ៌ខ្មៅ (Midnight Black) និងពណ៌ប្រផេះ (Orchid Grey) ។ យើងពិតជាមានមោទនភាពណាស់ដែលផ្តល់ជូនទៅកាន់អតិថិជនរបស់ក្រុមហ៊ុន EE នូវជម្រើសពណ៌កាន់តែច្រើនសម្រាប់ជ្រើសរើសស្មាតហ្វូនដែលពួកគេពេញចិត្តដើម្បីយកទៅប្រើប្រាស់។ ពណ៌ថ្មី Artic Silver ពិតជាស្រស់ស្អាត ទាក់ទាញជាមួយនឹងអេក្រង់ Infinity Display ។ ខ្ញុំសង្ឃឹមថា អតិថិជនរបស់ក្រុមហ៊ុន EE នឹងពេញចិត្តជាមួយពណ៌ថ្មីនេះជាក់ជាមិនខាន៕”